Stali viadomyja maštaby abłavy na «Biełhipraziem». Pakaranyja i zvolnienyja nie mienš za dziesiać supracoŭnikaŭ
HUBAZiK pachvaliŭsia tym, što represii na «Biełhipraziem» zakranuli bolš ludziej, čym paviedamlałasia pieršapačatkova.
Siońnia HUBAZiK paviedamiŭ pra toje, što ŭ prajektnym instytucie «Biełhipraziem» zatrymali nie mienš za dziesiać čałaviek. U videa na praŭładnych kanałach pakazali jašče dvaich zatrymanych — mužčynu i žančynu, asoby jakich pakul nie atrymałasia vyznačyć.
Mužčynu vinavaciać u tym, što jon pažartavaŭ, što, kali Łukašenka sydzie, jon pierafarbuje mašynu ŭ bieł-čyrvona-biełyja kolery. Žančynu — u tym, što jana niekali pierasłała siabru spasyłku na niezaležnaje miedyja, pryznanaje «ekstremisckim».
HUBAZiK śćviardžaje, što ŭ «Biełhipraziemie» «vyzvaliłasia kala dziesiaci miescaŭ». Zvyčajna heta značyć toje, što ludziej zvolnili praź niaznačnyja pravinnaści pa administracyjnych artykułach, źviazanych ź ichniaj palityčnaj pazicyjaj.
Niadaŭna my paviedamlali pra zatrymańnie dvuch supracoŭnikaŭ «Biełhipraziem» i syna adnaho ź ich. Ich vinavaciać u «ekstremisckich» repostach, a syna supracoŭnika — va ŭdziele ŭ pratestach i napisańni ŭ boty NEXTA i «Biełarusi hałaŭnoha mozhu».
«Naša Niva» — bastyjon biełaruščyny
PADTRYMAĆNa «Naftanie» nie spyniajucca zvalnieńni za palityku. Pryčyna — padpiski na niezaležnyja telehram-kanały
Administracyja homielskaha zavoda rekamiendavała padnačalenym padtrymać zatrymańnie rabotnika za «ekstremizm». Mnohija pahadzilisia
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»15
Kamientary