Premjer Polščy ŭpeŭnieny, što PVK «Vahnier» zastaniecca pahrozaj dla susiedziaŭ Biełarusi
Matevuš Maraviecki miarkuje, što hibiel kiraŭnika PVK «Vahnier» Jaŭhiena Pryhožyna nie stanie faktaram, jaki nivieluje pahrozu z boku bajevikoŭ pryvatnaj vajskovaj kampanii. Pra heta jon zajaviŭ siońnia na pres-kanfierencyi, piša Reform.by.
Na dumku Maravieckaha, kantrol nad PVK usio roŭna zachoŭvaje kiraŭnictva Rasii i jano moža vykarystoŭvać jaje dla dalejšych pravakacyj.
«Kantrol nad hrupaj «Vahnier» ažyćciaŭlajecca niepasredna prezidentam Pucinym. Zaraz chaj kožny adkaža na pytańnie: ci ŭjaŭlaje hrupa «Vahnier», jakaja znachodzicca siońnia ŭ Biełarusi, bolšuju ci mienšuju pahrozu. Dla mianie heta rytaryčnaje pytańnie. Hrupa «Vahnier», jakaja ciapier znachodzicca pad kuratarstvam i nahladam Pucina i jahonych ludziej, jašče bolš, čym raniej, abo ŭ toj ža stupieni, jak raniej, budzie vykarystoŭvacca jak instrumient pravakacyj, šantažu, napadaŭ i roznaha kštałtu situacyj u ramkach parušeńnia palityki biaśpieki i destabilizacyi dziaržaŭ, jakija miažujuć z Rasijaj i Biełaruśsiu», — zajaviŭ Maraviecki.
Krainy Bałtyi i Polšča abmiarkujuć pytańnie zakryćcia miažy ź Biełaruśsiu ŭžo ŭ hetym miesiacy
Pytańnie pra płot na miažy ź Biełaruśsiu vyniesuć na refierendum u Polščy
U PVK «Vahnier» nazvali kolkaść bajcoŭ u Biełarusi
Pryhožyn i Utkin zahinuli, ich samalot raźbiŭsia nad Vałdajem. Što viadoma na hety momant
Chto tyja ludzi, što zahinuli ŭ avijakatastrofie razam z Pryhožynym
Kamientary