Na budoŭli ŭ Varšavie zahinuŭ brat biełaruskaha dobraachvotnika va Ukrainie. Dla pachavańnia na radzimie źbirajuć hrošy
5 vieraśnia na adnoj z budoŭlaŭ Varšavy zahinuŭ biełarus, jaki pracavaŭ tam paśla vymušanaj emihracyi z radzimy. Ciapier jahonaje cieła chočuć pieravieźci dla pachavańnia na radzimu i dla hetaha źbirajuć hrošy.
Na servisie pomagam.pl chočuć sabrać 30 000 złotych (amal 7000 dalaraŭ). Pakul sabrali pałovu ad hetaj sumy.
«Roma byŭ antyfašystam z Hrodna, aktyŭna ŭdzielničaŭ u aktyvisckaj dziejnaści, ale pierš za ŭsio zaŭsiody byŭ uśmiešlivym i dobrazyčlivym čałaviekam. Jon pryjechaŭ u Polšču ŭ pošukach lepšaha žyćcia.
Na žal, u aŭtorak, 5 vieraśnia, ź im adbyŭsia niaščasny vypadak na budoŭli. Niahledziačy na akazanuju dapamohu i na toje, što jaho pryvieźli ŭ balnicu, Roma pamior», — pišuć na servisie.
Ramanu byŭ 21 hod. Padčas pracy jon upaŭ z budaŭničych ryštavańniaŭ z vyšyni čaćviortaha paviercha. U ciažkim stanie jaho dastavili ŭ balnicu, ale vyratavać chłopca nie zmahli. Viečaram 5 vieraśnia jon pamior ad atrymanych traŭmaŭ.
Starejšy brat Ramana vajuje va Ukrainie pad pazyŭnym Čarli, a jahonaja maci žyvie ŭ Biełarusi. Vydatki na dastaŭku jaho dadomu i pachavańnie vielizarnyja.
«Luboje, navat samaje niaznačnaje achviaravańnie stanie vielizarnym układam u dapamohu siamji Romy i dapamoža nam vykanać jaho apošniaje žadańnie — viarnucca dadomu. My ličym siabie abaviazanymi zabiaśpiečyć jamu dušeŭny spakoj i hodnaje raźvitańnie», — pišuć jahonyja siabry.
Dałučycca da zboru možna pa spasyłcy.
U Varšavie zatrymali 20-hadovaha biełarusa, jaki pradstaŭlaŭsia rabotnikam banka i vymańvaŭ hrošy
«U mianie na rukach pamierli «Vołat» i «Brest». Biełaruski paramiedyk «Brovar» raskazaŭ pra svaje paŭtara hoda na vajnie
«Ja płaču, muž praklinaje ŭładu». Biełarusy raskazvajuć, ź jakimi prablemami sutyknulisia paśla novaha ŭkaza Łukašenki
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary