На будоўлі ў Варшаве загінуў брат беларускага добраахвотніка ва Украіне. Для пахавання на радзіме збіраюць грошы
5 верасня на адной з будоўляў Варшавы загінуў беларус, які працаваў там пасля вымушанай эміграцыі з радзімы. Цяпер ягонае цела хочуць перавезці для пахавання на радзіму і для гэтага збіраюць грошы.
На сэрвісе pomagam.pl хочуць сабраць 30 000 злотых (амаль 7000 даляраў). Пакуль сабралі палову ад гэтай сумы.
«Рома быў антыфашыстам з Гродна, актыўна ўдзельнічаў у актывісцкай дзейнасці, але перш за ўсё заўсёды быў усмешлівым і добразычлівым чалавекам. Ён прыехаў у Польшчу ў пошуках лепшага жыцця.
На жаль, у аўторак, 5 верасня, з ім адбыўся няшчасны выпадак на будоўлі. Нягледзячы на аказаную дапамогу і на тое, што яго прывезлі ў бальніцу, Рома памёр», — пішуць на сэрвісе.
Раману быў 21 год. Падчас працы ён упаў з будаўнічых рыштаванняў з вышыні чацвёртага паверха. У цяжкім стане яго даставілі ў бальніцу, але выратаваць хлопца не змаглі. Вечарам 5 верасня ён памёр ад атрыманых траўмаў.
Старэйшы брат Рамана ваюе ва Украіне пад пазыўным Чарлі, а ягоная маці жыве ў Беларусі. Выдаткі на дастаўку яго дадому і пахаванне велізарныя.
«Любое, нават самае нязначнае ахвяраванне стане велізарным укладам у дапамогу сям'і Ромы і дапаможа нам выканаць яго апошняе жаданне — вярнуцца дадому. Мы лічым сябе абавязанымі забяспечыць яму душэўны спакой і годнае развітанне», — пішуць ягоныя сябры.
Далучыцца да збору можна па спасылцы.
У Варшаве затрымалі 20-гадовага беларуса, які прадстаўляўся работнікам банка і выманьваў грошы
«У мяне на руках памерлі «Волат» і «Брэст». Беларускі парамедык «Бровар» расказаў пра свае паўтара года на вайне
«Я плачу, муж праклінае ўладу». Беларусы расказваюць, з якімі праблемамі сутыкнуліся пасля новага ўказа Лукашэнкі
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары