«Była bitva za kvitki». Čerhi na maršrutki ź Minska ŭ Barysaŭ i Žodzina bjuć rekordy
Kolki ludziej čakaje svajho rejsa ŭ subotu, pakazaŭ čytač Ex-press.live.
U piatnicy i vychadnyja dni ŭ Minsku vyrastajuć šmatmietrovyja čerhi na maršrutki ŭ Barysaŭ i Žodzina. Vidavočcy źniali videa čarhi z pasažyraŭ uviečary ŭ subotu, 9 vieraśnia. Žodzincy aburanyja, što aŭtapark nie vykanaŭ svajho abiacańnia puścić dadatkovy aŭtobus.
— Takija čerhi da barysaŭskich i žodzinskich maršrutak vystrojvajucca kožnuju piatnicu i subotu, — piša čytač Ex-press.live. — Prablema nie vyrašanaja, choć i abiacaŭ Žodzinski aŭtapark zapuścić dadatkovy aŭtobus ź Minska. Ale prablema nie tolki hetaha času. U minułuju niadzielu na aŭtastancyi ŭ Žodzinie chacieŭ uziać kvitok na ranicu paniadziełka.
Tam była bitva za kvitki siarod ludziej, jakija chacieli jechać uviečary ŭ niadzielu ŭ Minsk.
I byli ludzi, jakija kazali, što pryjechali z Barysava, kab zajechać u Minsk. Žeść niejkaja tvorycca…
Užo nie pieršy miesiac žychary Žodzina i Barysava skardziacca, što daroha dadomu ź Minska ŭ piatnicu i vychadnyja pieratvarajecca dla ich u sapraŭdny kvest. U červieni ludzi zdymali roliki, fatahrafavali čarhu, zaklikali pisać skarhi va ŭsie instancyi.
Dyrektar aŭtaparku №18 Juryj Kulvanoŭski paviedamiŭ, što «prapracoŭvajecca pytańnie ab uviadzieńni jašče adnaho rejsa z časam adpraŭleńnia z Žodzina prykładna ŭ 22:10. Adpaviedna, ad stancyi mietro «Uschod» jon budzie adpraŭlacca ŭ 22:40—23:00».
Taksama stała viadoma, što z 20 vieraśnia Minabłpasažyrtrans prypynić vykanańnie niekalkich rejsaŭ pa maršrucie № 500e Minsk — Barysaŭ.
U pryvatnaści, heta rejsy ad aŭtavakzała Barysaŭ u 06:13 štodnia, u 06:29 i ŭ 07:01 u niadzieli, a taksama z AS Słavinskaha ŭ 07:33 štodnia, u 07:49 i ŭ 08: 21 u niadzieli.
Pryčyna admieny rejsaŭ nie nazyvajecca.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary