Stała viadoma, jak Domračava i Bjorndalen nazvali svaju druhuju dačku
17 lipienia słavutaja biełaruskaja bijatłanistka paviedamiła ŭ instahramie, što ŭ ich z narviežskaj bijatłonnaj zorkaj Ole-Ejnaram Bjorndalenam naradziłasia druhaja dačka. Rody prachodzili ŭ Minsku, kudy Darja z mužam pryjechali ŭ adpačynak. Ciapier ža vydańnie NV daviedałasia, jak dziaŭčynku nazvali.
Adrazu paśla naradžeńnia druhoj dački Bjorndalen raskazvaŭ, što imia dziaŭčyncy jašče nie vybrali, adznačyŭšy, što jość mnostva varyjantaŭ.
Na jakim varyjancie spynilisia, dva miesiacy paśla naradžeńnia dački Domračava i Bjorndalen nikomu nie paviedamlali.
Ale ciapier sa słoŭ maci bijatłanistki Łarysy Domračavaj stała viadoma, što dziaŭčynku nazvali Miraj.
«Nie viedaju, jak Daša i Ole-Ejnar vybirali imia, ale spynilisia mienavita na hetym. Pa-mojmu, vielmi pryhožaje…», — skazała Łarysa Domračava.
Darečy, hetak ža sama nazvała svaju dačku, narodžanuju ŭ minułym hodzie, inšaja biełaruskaja bijatłanistka — Hanna Soła.
Darja Domračava ž z mužam, pa słovach jaje svajakoŭ, da hetaha času znachodziacca ŭ Minsku i ŭvieś asnoŭny čas pryśviačajuć siamji. Akramia novanarodžanaj Miry, u pary jość jašče 7-hadovaja dačka Ksienija.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary