U Lachavičach nie mohuć adramantavać tamohraf, načalstva kivaje na sankcyi
U lachavickuju rajonku «Lachavicki vieśnik» źviarnułasia žycharka horada z prośbaj rastłumačyć, čamu ŭ Lachavickaj rajbalnicy nie pracuje niadaŭna ŭstanoŭleny kampjutarny tamohraf i ludziam pa-raniejšamu davodzicca jeździć na abśledavańnie ŭ inšyja harady. Situacyju prakamientavaŭ hałoŭny lekar rajbalnicy Hieorhij Chlabovič.
«Kampjutarny tamohraf pracavaŭ u testavym režymie, potym adbyłasia techničnaja pałomka. U suviazi z tym, što aparat znachodziŭsia na harantyi, zamienu zapčastki — płaty kiravańnia stałom — pavinna zabiaśpiečyć pradpryjemstva, jakoje zajmajecca absłuhoŭvańniem aparata KT».
Pa słovach lekara, firma pa absłuhoŭvańni tamohrafa nie moža svoječasova adramantavać abstalavańnie:
«u suviazi z sankcyjami, što ŭviedzieny ŭ dačynieńni Biełarusi i Rasii, situacyja z pastaŭkaj detali ad zavoda vytvorcy — kampanii Siemens — zaciahvajecca.
Kaniešnie, my zacikaŭlenyja, kab jak maha chutčej vyrašyć prablemu i ŭ nieabchodnaj kolkaści akazvać takuju zapatrabavanuju miedycynskuju pasłuhu nasielnictvu. A pakul pa miedycynskich pakazańniach adpraŭlajem pacyjentaŭ pa nakiravańni ŭ inšyja ŭstanovy achovy zdaroŭja dla prachodžańnia kampjutarnaj tamahrafii».
Renthienaŭski kampjutarny 64-zrezavy tamohraf SIEMENS «SOMATOM.go.Up», jak adznačaje vydańnie bar24.by, byŭ nabyty ŭ Lachavickuju centralnuju rajonnuju balnicu za košt centralizavanych srodkaŭ Ministerstva achovy zdaroŭja Biełarusi. Košt aparata skłaŭ 796 tysiač rubloŭ. Plus da hetaha jašče 497 tysiač rubloŭ było vydatkavana z rajonnaha biudžetu na rekanstrukcyju pamiaškańniaŭ u hałoŭnym korpusie CRB.
4 maja adbyłosia ŭračystaje adkryćcio tamohrafa. Udzieł u im uziali staršynia Bresckaha abłvykankama Juryj Šulejka i namieśnik ministra achovy zdaroŭja Biełarusi Barys Andrasiuk.
U vyniku aparat u Lachavičach adpracavaŭ tolki 4 miesiacy.
Čytajcie taksama:
Minzdaroŭja moža zabaranić stamatałohijam vykarystoŭvać renthien. Praŭda, nie ŭsim
U Minzdaroŭja raspaviali pra situacyju z novym štamam karanavirusa «piroła» ŭ Biełarusi
Minzdaroŭja raskazała, kolki dziaciej sa SMA ŭžo atrymali samy darahi ŭ śviecie preparat
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt20
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary