Źmieny ŭ Žyllovy kodeks mohuć źniščyć instytut tavarystva ŭłaśnikaŭ
Prapanavanyja źmieny ŭ Žyllovy kodeks vyklikali haračaje abmierkavańnie na infarmacyjnym resursie «Pravavy forum Biełarusi». Udzielnikaŭ aburyła prapanova zabaranić adnamu hramadzianinu zajmać pasadu staršyni praŭleńnia tavarystva ŭłaśnikaŭ u niekalkich arhanizacyjach, zaŭvažyŭ Reform.by.
Prajekt zakona «Ab źmienie zakonaŭ pa pytańniach kiravańnia žyllovym fondam i jaho ekspłuatacyi» byŭ vyniesieny na hramadskaje abmierkavańnie 22 vieraśnia. Uziać udzieł moža kožny achvotny.
Administratary forumu adznačyli, što zakonaprajekt, u pryvatnaści, praduhledžvaje:
- uzmacnieńnie adkaznaści staršyń praŭleńniaŭ arhanizacyj ułaśnikaŭ za nievykanańnie zakanadaŭstva pa kiravańni ahulnaj majomaściu sumiesnaha domaŭładańnia, u tym liku pa jakasnym i svoječasovym zabieśpiačeńni akazańnia žyllova-kamunalnych pasłuh, utrymańnia ahulnaj majomaści sumiesnaha domaŭładańnia i terytoryi la doma, a taksama za nievykanańnie zakonnych patrabavańniaŭ miascovych vykanaŭčych i rasparadčych orhanaŭ;
- źmianieńnie padychodaŭ da akumulavańnia hrašovych srodkaŭ płacielščykaŭ na kapitalny ramont;
- aktualizacyju funkcyj upaŭnavažanaj asoby pa kiravańni ahulnaj majomaściu sumiesnaha domaŭładańnia i ŭdaskanaleńnie miechanizmaŭ jaje pryznačeńnia.
Hramadzian aburyŭ punkt źmien, jaki zabaraniaje adnamu čałavieku zajmać pasadu staršyni praŭleńnia arhanizacyi ŭłaśnikaŭ u niekalkich arhanizacyjach ułaśnikaŭ.
«Liču, što prymać heta možna tolki tady, kali hramadzianin maje asnoŭnuju pracu. Staršynia praŭleńnia, jaki prafiesijna zajmajecca tolki kiravańniem nieruchomaj majomaściu, i heta jaho asnoŭnaja praca, moža pracavać u niekalkich AU», — napisała Jełana.
«Hety punkt całkam pierakreślić mahčymaść isnavańnia kiravańnia ahulnaj majomaściu niepasredna tavarystvam ułaśnikaŭ. Bolšaja častka arhanizacyj ułaśnikaŭ nie zmoža zabiaśpiečvać uzrovień zarpłaty staršyni praŭleńnia», — dadaŭ Krolik2.
«Kateharyčna suprać 1 dom = 1 staršynia. Kali niešta dobra i naładžana pracuje, navošta heta psavać?» — napisaŭ inšy karystalnik.
«Vyhladaje dziŭnym źmianieńnie ŭ zakon, jakoje dazvalaje staršyni kiravać tolki adnym TU / ŽBVK. Kali b žycharam nie padabałasia, jak staršynia vykonvaje svaje abaviazki, — na schodzie byŭ by abrany inšy…» — ździŭlajecca ahsirg19.
«Pierakanaŭča prosim vyklučyć normu ab abaviazkovaj likvidacyi / rearhanizacyi tavarystvaŭ, jakija składajucca ź niekalkich šmatkvaternych damoŭ z prajekta zakona», — reziumuje karystalnik Majak.
Abmierkavańnie papravak u kodeks praciahniecca da 2 kastryčnika 2023 hoda.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary