Rasija aktyŭna pracuje z pramysłovaściu Biełarusi, kab naraścić vytvorčaść snaradaŭ — HUR
Rasija vykarystoŭvaje Biełaruś dla naroščvańnia vytvorčaści bojeprypasaŭ. Pra heta pradstaŭnik HUR, hienierał-major Vadzim Skibicki zajaviŭ u intervju «Ukrainskaj praŭdzie».
«Rasija sprabuje adnavić vytvorčaść i vyjści na toj davajenny ŭzrovień, jaki byŭ (i navat pierasiahnuć jaho).
Płany RF pa vytvorčaści na 2024 hod — kala 2,1 młn bojeprypasaŭ. Dla taho kab adnavić vytvorčaść i naroščvać jaje, jany aktyŭna pracujuć z pramysłovaściu Biełarusi», — skazaŭ jon.
Pa słovach Skibickaha, da pačatku leta 2023 hoda rasijskaje vojska vykarystoŭvała pieravažna tyja bojeprypasy, jakija zachoŭvała ŭ siabie na składach (jany byli vyrablenyja bolš za 30 hadoŭ tamu, i tolki pałova ź ich, pa danych HUR, mieła narmalny stan).
Z pačatku kastryčnika, jak dadaje pradstaŭnik ukrainskaj raźviedki, rasijskija vojski štodzień vykarystoŭvajuć na poli boju kala 15 tysiač bojeprypasaŭ.
U siaredzinie vieraśnia vydańnie NYT paviedamiła, što z kanca 2022 hoda rasijskaja vajenna-pramysłovaja vytvorčaść znoŭ pačała nabirać abaroty, i zaraz Rasija vyrablaje bolš bojeprypasaŭ, čym Złučanyja Štaty i Jeŭropa.
Za paŭtara hoda poŭnamaštabnaj vajny suprać Ukrainy Rasija, pa danych Forbes, užo vydatkavała bolš za 167 młrd dalaraŭ.
-
Zapłacili 8000 dalaraŭ za pucioŭku — i atrymali kašmar. Jak biełarusy źjeździli ŭ Turcyju ŭ piacizorkavy hatel
-
Biełaruskaja siamja 10 hadoŭ nie mahła znajści schavanuju zanačku. Hrošy ŭvieś hety čas lažali ŭ piečy
-
Na miescy palealityčnaj stajanki ŭ vioscy Juravičy praviali fiestyval pra mamantaŭ i pieršabytnych ludziej. Historyki aceńvajuć jaho skieptyčna
Kamientary