Biełaruskija čynoŭniki ŭ novym sieryjale jeduć u Bierlin — viazuć tudy tradycyjnyja kaštoŭnaści
«ČynČynČeneł» vypuskaje satyryčny trevieł-sieryjał «ČynČyny na kołach», jaki raskazvaje pra vandroŭku biełaruskich čynoŭnikaŭ Siarhieja Mikałajeviča i Mikałaja Siarhiejeviča pa krainach kalektyŭnaha Zachadu.
Pieršaja sieryja — pra pryhody ŭ stalicy byłoha HDR («ČynČyny biaruć Bierlin»). Jana budzie apublikavana na jutubie ŭ dźviuch častkach 13 i 27 kastryčnika.
Akramia čynoŭnikaŭ važnuju rolu ŭ novym filmie hraje piersanaž sakratarki Toniečki. «Pieršapačatkova sakratarka Toniečka była svajho rodu achviaraj hvałtu patryjarchatu, pazbaŭlenaja svajho mierkavańnia, pravoŭ i ŭ niejkim rodzie svabod. Jana nie davała acenki dziejańniam i padziejam i biazdumna vykonvała zahady svaich načalnikaŭ, prapuskajučy mima vušej ich seksisckija žarty i prymajučy za naležnaje ich abjuziŭnyja pavodziny. Ale nastaŭ čas vyraści z patryjarchalnych štonikaŭ i nahledzieć sabie sukienku pa modzie ŭ svabodnaj Jeŭropie», — kamientuje svaju rolu aktrysa Neła Ahrenič.
Kamandu «ČynČynČeneł» vy možacie pamiatać pa virusnym roliku «Ščučynščyna». Paśla hetaha jany praciahnuli zdymać palityčnyja parody i anty-prapahandysckija kamiedyjnyja skietčy.
«Mnie było vielmi cikava zrabić treš-trevieł-techna-honza-sieryjał z vyśmiejvańniem prapahandysckich štampaŭ pra toje, jak čynoŭniki sprabujuć padmiać pad siabie jeŭrapiejskuju realnaść, ale sadziacca ŭ łužynu i tudy ž udarajuć tvaram», — adznačaje režysior i šoŭranar sieryjała «ČynČyny na kołach» Andrej Kašpierski.
Ci vystajaŭ Bierlin pad pryhniotam sučasnych biełaruskich kaštoŭnaściaŭ? Pieršaja sieryja ŭžo na jutubie.
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni5
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier33
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier3
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
i humar, i videa (u stylistycy pierabudovačnych hadoŭ) jakasnyja ⬟
inakš by Red. nie źmiaściŭ heta ŭ rubryku Kino