«Delehacyja z Ekvataryjalnaj Hviniei kaštavała našu śmiatanu — jany byli prosta začaravanyja». Ministr pra płany na biełaruskuju małočku
Ministr sielskaj haspadarki i charčavańnia Siarhiej Bartaš raskazaŭ, kudy płanujuć pastaŭlać ajčynnuju małočnuju pradukcyju.
Čynoŭnik u efiry STB adznačyŭ, što małočnaja halina asabliva nie adčuła ŭpłyvu sankcyj. Pryjarytetnym rynkam dla realizacyi miasa-małočnaj pradukcyi zastajecca rasijski, ale jość pastaŭki i ŭ Kitaj, i na Kubu. Tam cikaviacca biełaruskimi syrami, masłam, suchim małakom.
«Voś niadaŭna była delehacyja z Ekvataryjalnaj Hviniei. Dyk jany, kali kaštavali našu śmiatanu, byli prosta začaravanyja. Jany prosta nie ŭjaŭlali, što taki smačny moža być pradukt», — pachvaliŭsia ministr.
Jon dadaŭ, što na Kubie płanujuć adkryć liniejku pa vytvorčaści i pierapracoŭcy pradukcyi suchoha małaka.
«Ekvataryjalnaja Hvinieja choča i pierapracoŭvać našu pradukcyju, i atrymlivać naturalnamałočnuju. Jany samalotami dastaŭlajuć ź Jeŭrasajuza. A my viedajem, jakija ceny na jeŭrapiejskim małočnym rynku i jakija — u nas», — skazaŭ Bartaš.
Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty9
Kamientary