Bolš za ŭsio paciarpiełych — u ciažkadastupnych rajonach Džadžarkot i Rukum, prykładna za 500 kiłamietraŭ na zachad ad stalicy krainy Katmandu. Ratavalnikam dapamahajuć vajskoŭcy i słužby biaśpieki, piša Bi-bi-si.
Mahutnyja padziemnyja šturški adčuvalisia i ŭ stalicy Niepała, a taksama ŭ haradach susiedniaj Indyi, u tym liku ŭ Deli.
Pradstaŭnik armii paviedamiŭ, što bolš za 100 čałaviek atrymali ranieńni. Balnica Džadžarkota zapoŭnienaja paranienymi.
Na praciahu hadziny paśla asnoŭnaha ziemlatrusu adbylisia jašče try paŭtornyja, mnohija ludzi praviali reštu nočy na adkrytym pavietry.
Fasady šmatpaviarchovych cahlanych damoŭ abrynulisia. Ludzi raskopvajuć zavały, sprabujučy znajści tych, chto vyžyŭ pad abłomkami.
Premjer-ministr Niepała Pušpa Kamal Dachał terminova vyjechaŭ u paciarpieły ad ziemlatrusu rehijon. U sacsietcy X (były Twitter) jon vykazaŭ svajo hłybokaje škadavańnie z pryčyny hibieli ludziej i paškodžańnia majomaści i skazaŭ, što zahadaŭ słužbam biaśpieki nieadkładna pačać apieracyju pa vyratavańni i akazańni dapamohi.
Adnak praviadzieńnie pošukava-vyratavalnych apieracyj uskładniena — darohi zabłakavanyja apoŭźniami, vyklikanymi ziemlatrusam.
Načalnik palicyi rajona Džadžarkot Sureš Sunar paviedamiŭ ahienctvu Reuters, što składana atrymać poŭnuju karcinu.
«Ja sam znachodžusia na adkrytym pavietry. My źbirajem infarmacyju, ale z-za choładu i nočy jaje ciažka atrymać z addalenych rajonaŭ», — skazaŭ jon.
Pa danych niepalskaha centra manitorynhu i daśledavańniaŭ, ziemlatrus byŭ zafiksavany ŭ 23:47 pa miascovym časie (21:02 pa Minsku).
Hieałahičnaja słužba ZŠA acaniła mahnitudu ziemlatrusu ŭ 5,6 i paviedamiła, što jaho ačah znachodziŭsia na nievialikaj hłybini.
Niepał raźmieščany ŭ Himałajach, u zonie vysokaj siejśmičnaj aktyŭnaści.
U 2015 hodzie ŭ krainie adbylisia dva razburalnyja ziemlatrusy, u vyniku jakich 9 tysiač čałaviek zahinuli i bolš za 22 tysiačy atrymali ranieńni, bolš za 800 tysiač damoŭ byli razburanyja abo paškodžanyja.
Ciapier čytajuć
Chto tyja 17‑hadovy błohier i jaho 37‑hadovaja niaviesta, jakija šykoŭna žyli na miljon, skradzieny sa zboru na chvoraje dzicia?34
Kamientary