Cyhanovy raskazali, što vobšuk u ich — rozyhryš prankiera Leksusa. Ale heta nie kaniec historyi
Učora ŭviečary źjaviłasia videa, dzie pradiusar Vadzim Cyhanoŭ raskazvaŭ, što da ich z žonkaj pryjšli z vobšukam. Ale ŭsio akazałasia nie tym, čym zdavałasia.
U telehram-kanale Viki Cyhanovaj źjaviłasia videa razmovy Vadzima Cyhanova z prankieram Leksusam.
«Dziakuj, chłopcy, što heta zrabili, heta ŭhar. My syhrali dobra, vaša kamanda pracuje na piać bałaŭ», — skazaŭ jamu Cyhanoŭ.
Ale prankiery paźniej u svaim telehram-kanale abvierhli, što ŭdzielničali ŭ hetym rozyhryšy. Historyju ź pieratrusam jany nazvali «tryźnieńniem uzrušanaj śviadomaści». Jany zajavili, što Cyhanoŭ telefanavaŭ, kab padziakavać za prank z premjerkaj Italii.
Nahadajem, niadaŭna siamiejnaja para, jakaja padtrymlivaje vajnu va Ukrainie, dała intervju papularnamu rasijskamu błohieru Juryju Dudziu, dzie padzialilisia svaimi kanśpirałahičnymi teoryjami. Naprykład, što jaŭrejaŭ buduć pierasialać u Bachmut i ŭsio idzie pa płanie Dalesa (jakoha nikoli nie isnavała). Paźniej śpiavačka zajaviła, što toje skandalnaje intervju Dudziu zrabiła niejrasietka.
Kamientary