«Vyvučycie ruskuju i havarycie na narmalnaj n***j movie». Ukrainski muzyka paraiŭ palakam ustupić u Rasijskuju impieryju
Kiryła Bledny, frantmien ukrainskaha rok-hurta «Pošłaja Moli», zrabiŭ u storys instahrama niekalki źniavažlivych zajavaŭ pra polskuju movu. Chłopiec vyrašyŭ vykazacca pra heta za niekalki hadzin da taho, jak naviedaŭ u Varšavie praŭkrainski kancert hurta «Niervy».
Całkam pramova Blednaha hučała tak: «Viedajecie, što mianie pryvodzić u šalenstva u Polščy? Mianie n***j pryvodzić u šalenstva polskaja mova. Nie razumieju, navošta havaryć na hetaj u***nskaj movie, kali jość ruskaja mova, ja nie razumieju, realna. Čuvaki, prosta vyvučycie b**** ruskuju i havarycie na narmalnaj n***j movie. Jość ža Rasijskaja impieryja, prosta ŭstupicie ŭ jaje, b****. Ustupicie ŭ jaje, jak raniej, i havarycie na narmalnaj b**** movie, da****by».
Ciapierašni vizit ukrainca ŭ Polšču — nie apošni, u listapadzie-śniežni hurt «Pošłaja Moli» płanuje dać tam piać kancertaŭ (u Hdańsku, Poznani, Krakavie, Urocłavie i Varšavie). Paśla zajavaŭ u storys, adnak, nie ŭsie karystalniki instahrama razumiejuć, što śpiavak robić u Polščy:
«Kłouna tak biesić polskaja mova, što praciahvaje znachodzicca ŭ Polščy, a jak ža vialikaja duchoŭnaja Rasija?»
«Navošta ty tady jechaŭ u Polšču, kali tabie niešta nie padabajecca? Nie padabajecca polskaja mova — vali z Polščy. Usio duža prosta».
«Kali paśla apošniaha videa spatrebicca dapamoha jurystaŭ u Polščy, da nas nie źviartajciesia» (kamientar ad jurydyčnaha servisu).
Praz paŭdnia Kiryła Bledny apublikavaŭ storyz, u jakim skazaŭ, što heta vykazvańnie było žartam.
U 2022-m Bledny ładziŭ dabračynny kancert u padtrymku Ukrainy i vystupaŭ suprać poŭnamaštabnaha rasijskaha ŭvarvańnia. Adnak užo ŭ červieni taho ž hoda śpiavak vypuściŭ sumiesny trek z rasijskim repieram Maładym Płatonam. Paśla hetaha lidara «Pošłaj Moli» abvinavacili ŭ tym, što jon «pieraabuŭsia», bo aznačany repier na toj čas nijak nie prajaŭlaŭ svajoj pazicyi nakont vajny.
Adznačym, što hurt Blednaha ciapier nie vystupaje ni va Ukrainie, ni ŭ Rasii. U Biełaruś «Pošłaja Moli» pryjazdžała jašče ŭ 2021-m, i tady na kancercie skandavali «Žyvie Biełaruś».
«Naša Niva» — bastyjon biełaruščyny
PADTRYMAĆŠto treba viedać pra hurt Tor Band — muzykaŭ, jakich pakarali žachlivymi terminami za ich chity
«Čorny bumier», Palihraf ŠarykOFF, śpiavak pry Łukašenku: jak mianiałasia žyćcio repiera Siarohi
Biełarusy mienš čym za dzień sabrali bolš za €9000 dla asudžanych muzykaŭ Tor Band
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu15
Kamientary