Spyniłasia serca. Pamierła biełaruskaja dyzajnierka Hanna Kraśnier
Hańnie Kraśnier było 43 hady. Dyzajnierka pamierła 5 listapada. Infarmacyja pra jaje śmierć źjaviłasia 7 listapada na jaje staroncy ŭ instahramie.
«U jaje spyniłasia serca, była chutkaja, reanimacyja ŭ balnicy. Pachavańnie budzie ŭ Varšavie, na pravasłaŭnych mohiłkach u rajonie Vola. Infarmacyja pra čas budzie paźniej», — havorycca ŭ paviedamleńni.
Hanna Kraśnier — dyzajnierka viasielnych strojaŭ. Paśla ŭniviersiteta pa raźmierkavańni pracavała na fabrycy «Viaśnianka» ŭ Mahilovie. Paśla viarnułasia ŭ Viciebsk, była kanstruktaram adzieńnia ŭ viasielnym sałonie.
«Pasprabavała siabie ŭ roli dyzajnierki, stvaryŭšy pieršuju kalekcyju z 4 sukienak, jakija pry dapamozie znajomych źniała na fota, a zatym i pradała. Ja ryzykavała stracić hrošy, patračanyja na materyjały. Na ščaście, usio ŭdałosia», — raspaviadała jana vydańniu «Vitiebskije viesti».
Nieŭzabavie jana adkryła ŭłasnuju «Majsterniu Hanny Kraśnier». Jaje raboty adznačalisia na konkursach mody i pryhažości.
13 lipienia 2021 hoda Hanna napisała, što zakryła svaju vytvorčaść u Biełarusi.
«Prosta pryjšoŭ čas niešta mianiać… Mianiajem», — patłumačyła Hanna.
Jana pierajechała ŭ Polšču.
«U mianie tak časta pytalisia, čamu ja bolš nie šyju sukienak, što paśla čarhovaha «čamu», ja vyrašyła, što tak, ja chaču pasprabavać. Ciapier ja šyju sukienki. Pakul nie šmat, pakul u jakaści chobi (vielmi prafiesijnaha chobi) paru zakazaŭ na miesiac», — raspaviadała Hanna.
U kastryčniku jana napisała, što ŭziała ŭdzieł u najbujniejšym u Polščy viasielnym kirmašy.
«Heta byŭ moj pieršy pakaz u Varšavie i pieršy ŭdzieł u takim maštabnym mierapryjemstvie. Ja vielmi zadavolenaja, što navažyłasia na ŭdzieł i zmahła prezientavać kalekcyju dla šyrokaj publiki», — napisała Hanna.
Ciapier čytajuć
Uładalniki znakamitaha «doma mary» pad Minskam raspaviali Dudziu, čamu pradali dom i emihravali9
Kamientary