Parušeńnie zakona praduhledžvaje štraf da 150 tysiač jeŭra i prymusovaje zakryćcio pradpryjemstvaŭ, jakich pryznali vinavatymi ŭ parušeńni.
Nižniaja pałata parłamienta Italii ŭ čaćvier uchvaliła zakon ab zabaronie vykarystańnia praduktaŭ charčavańnia i karmoŭ, vyraščanych u łabaratoryjach, paviedamlaje ANSA.
Pakolki Sienat uchvaliŭ inicyjatyvu, jana ŭstupaje ŭ siłu.
Zakon, inicyjavany ministrami sielskaj haspadarki Italii Frančeska Łałabrydžyda i ministram achovy zdaroŭja Aracya Skiłačy, praduhledžvaje zabaronu vytvorčaści, spažyvańnia i prasoŭvańnia «ježy i karmoŭ, vyraščanych z kletkavych kultur».
Parušeńnie zakona praduhledžvaje štraf da 150 tysiač jeŭra i prymusovaje zakryćcio pradpryjemstvaŭ, jakich pryznali vinavatymi ŭ parušeńni. Im taksama mohuć zabaranić atrymlivać dziaržfinansavańnie na termin da troch hadoŭ.
Pravy italjanski ŭrad padavaŭ zakonaprajekt jak krok dla abarony nacyjanalnaha vytvorcy i tradycyj.
Suprać vystupili hrupy pa abaronie žyvioł i asacyjacyi, jakija padtrymlivajuć raźvićcio «kletačnaj» sielskahaspadarčaj pradukcyi, śćviardžajučy, što zakon pierakreślić prahres italjanskich daśledčykaŭ u hetaj halinie.
Centrysckaja i levaja apazicyja Italii zamiest hetaha pakazvała, što takaja adnabakovaja zabarona — pieršaja na terytoryi Jeŭropy — supiarečyć sielskahaspadarčaj palitycy ES i moža pryvieści da prablem, kali Jeŭrasajuz urehuluje pytańnie sintetyčnaj ježy.
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
Jašče da hetaj chvali mihracyi pamiarkoŭnych kazaŭ, što krainam pieršaha śvietu treba ŭsich biežancaŭ uzbrajać i adpraŭlać navodzić paradak u siabie na radzimie. Toje ž ciapier tyčycca i pamiarkoŭnych: adłavić usich dyzajnieraŭ, ajcišnikaŭ i inšych kreakłaŭ pa Varšavach i Teneryfach, zamiest humovaha haku ŭ ruki dać zbroju i marš šychtom zachaplać płacdarm na pravym bierazie Zachodniaha Buha.