Avatar: Fijaletavaja mistyka Džejmsa Kemierana
Rapiaredniaja karcina Kemierana, «Tytanik», adradziła biełaruski kinaprakat. «Avatar» nadaść jamu 3D vymiareńnie.
Avatar (Avatar)
ZŠA, 2009, kalarovy, 162 chv.
Režysior: Džejms Kemieran
Roli vykonvajuć: Sem Ŭortynhtan, Zoi Sałdana, Sihurni Ŭiver, Styven Łenh, Mišel Radryhies, Džavani Rybizi
Žanr: Fantastyčnyja pryhody
Adznaka: 6,5 (z 10)
Marski piechaciniec Džek Sali adpraŭlajecca na płanietu Pandora, dzie ludzi zdabyvajuć kaštoŭnyja minierały. Z dapamohaj admysłovaha cieła, avatara, stvoranaha z DNK čałavieka i miascovych tubylcaŭ hieroj musić uvajści ŭ davier da plemieni Na'vi. Pamiž ziamlanami i pandorcami vyśpiavaje kanflikt: skvapnyja karparacyi prahnuć zdabyvać minierały, niahledziačy ni na što. Džek Sali — klučavaja fihura ŭ hulni.
Karcina Džejmsa Kemierana — tryumf technałohij. Režysior kolki hadoŭ nie braŭsia za zdymki, pakul kamputarnaje mastactva nie dazvoliła napoŭnicu ŭvasobić zadumanaje. Ad hetaha paciarpieŭ siužet, jaki zdajecca zanadta praličanym.
Ale ŭ vybitnaha halivudskaha kazačnika — absalutna zavieršany i samadastatkovy fantastyčny śviet.
Sihurni Ŭiver — z avataram u sakołcy Stenfardskaha univiersitetu — vielmi pasuje ilviny nos, a hulnia jejnaha kamputarnaha cieła nie sastupaje žyvym kadram z samoj aktrysaj. Aktoram čaplali datčyki, što adličboŭvali ichniaje cieła.
Fijaletavyja žychary płaniety, śvietłavyja drevy, drapiežniki z mnostvam vačej, pavietranyja reptylii-koni.
Zrešty, papiaredniaja karcina Kemierana «Tytanik» — adradziła biełaruski kinaprakat. «Avatar» nadaść jamu 3D vymiareńnie.
Ale karcina Kemierana maje nie tolki technałahičnaje, ale i šamanska-ekałahičnaje značeńnie. Vobraz płaniety, jakoj molacca — i jakaja abaraniaje sama siabie — heta «Salarys» na novy ład, pieršabytnaja pahanskaja viera i ściah novych ekałahičnych ruchaŭ.
Chacia sacyjalna-krytyčnyja momanty niebiaśpiečnuju panteistyčnuju mistyku pieravažvajuć.
Zakidy suprać impieryjalistyčnaje skvapnaści, jak zaŭždy ŭ Kemierana, zapakavanyja ŭ supiertechnałahičnuju šmatmiljonnuju abhortku ašałamlalnaha i najnoŭšaha vidovišča XXI stahodździa.
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary