Prezident Sierbii Alaksandr Vučyč zajaviŭ ab namiery prapanavać uradu krainy razhledzieć mahčymaść praviadzieńnia vajskovych vučeńniaŭ z NATA i inšymi partniorami. Pra heta jon skazaŭ na sumiesnaj pres-kanfierencyi z hiensiekam NATA Jensam Stołtenbierham, piša «Jeŭrapiejskaja praŭda» sa spasyłkaj na RTS.
«Jak hałoŭnakamandujučy ja nakiruju zapyt da ŭrada Respubliki Sierbija razhledzieć rašeńnie ab adnaŭleńni sumiesnych vučeńniaŭ z NATA, jakija my pravodzili raniej, i ź inšymi našymi partniorami ŭ najbližejšy pieryjad», — skazaŭ Vučyč.
Tradycyjna źviazanaja z Rasijaj Sierbija nie zjaŭlajecca siabram NATA, ale ŭdzielničaje ŭ prahramie «Partniorstva dziela miru» z 2006 hoda. Pierśpiektyvu praviadzieńnia sumiesnych vučeńniaŭ z NATA možna tłumačyć jak krok da bolš ciesnaha supracoŭnictva.
Adnak aficyjnaja pazicyja Sierbii adnosna paŭnapraŭnaha siabroŭstva ŭ NATA zastajecca niaźmiennaj. «Sierbija zjaŭlajecca vajskova niejtralnaj krainaj i budzie zastavacca vajskova niejtralnaj krainaj», — skazaŭ Vučyč.
U žniŭni stała viadoma, što Sierbija admoviłasia ad rasijskaj vajskovaj bazy i budzie vučyć armiju pa standartach NATA.
Raniej rasijski pasoł zajaŭlaŭ, što stvareńnie vajskovaj bazy RF u Respublicy «ŭvachodzić u pieralik intaresaŭ Maskvy».
A Alaksandr Łukašenka tady vykazaŭsia, što «Sierbija chacieła b siadzieć na troch kresłach: ES, ZŠA, Rasija — ale joj heta nie ŭdasca».
U Białhradzie hetyja słovy rascanili jak patrabavańnie ŭstać na bok Maskvy, ahučanaje Kramlom praz svajho biełaruskaha vasała.
«Sierbii nie patrebnyja čyje b tam ni było vajskovyja bazy, Sierbija budzie zachoŭvać svoj vajskovy niejtralitet, sama budzie ŭmacoŭvać svajo vojska, Sierbija budzie kłapacicca pra svoj narod i budzie dastatkova mocnaj, kab być samastojnaj», — zajaviŭ na heta Vučyč.
Pryznačajučy ŭčora novaha pasła ŭ Sierbiju, Alaksandr Łukašenka daručyŭ tamu razabracca, čaho ž nasamreč choča heta kraina.
«Treba razabracca ŭ toj palitycy, jakuju Sierbija pravodzić i žadaje pravodzić adnosna Biełarusi, — pastaviŭ jon zadaču. — Kali jany chočuć [supracoŭničać ź Biełaruśsiu], značyć, maje być vynik u handlova-ekanamičnych adnosinach.
Kali jany chočuć vilać chvastom, hruba kažučy, i padtrymlivać jeŭrapiejska-amierykanskija sankcyi suprać Biełarusi, heta ich sprava, niachaj vyznačajucca i padtrymlivajuć, kali jany zabylisia pra toje dabro, ź jakim my išli da ich», — skazaŭ Łukašenka novamu pasłu ŭ Sierbii Siarhieju Malinoŭskamu.
-
Paramount, uznačaleny blizkim da Trampa miljarderam, ustupiŭ u baraćbu z Netflix za Warner Bros
-
Mjanma vyjšła ŭ suśvietnyja lidary pa vytvorčaści mietamfietaminu i opiumu
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami15
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1616
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju16
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2222
Kamientary
Prajekcyja albo pieranos?