Zimovaj Alimpijady-2030 u Łatvii nie budzie. Mižnarodny alimpijski kamitet pačaŭ pieramovy z Francyjaj
Na minułym tydni Stakholm razam z łatvijskaj Sihułdaj aficyjna padali zajaŭku na praviadzieńnie Alimpijskich hulniaŭ u 2030 hodzie. Łatvijskamu horadu płanavałasia davieryć praviadzieńnie spabornictvaŭ pa sannym sporcie, babślei i skieletonie.
Paśla rekamiendacyj Kamisii arhanizataraŭ budučych hulniaŭ Mižnarodnaha alimpijskaha kamiteta (MAK) vykanaŭčy kamitet MAK pačaŭ pieramovy z Francyjaj ab praviadzieńni tam zimovych Alimpijskich hulniaŭ 2030 hoda, na jakija padavali zajaŭku Stakholm i Sihułda, piša Delfi.lv.
Na minułym tydni Stakholm razam z łatvijskaj Sihułdaj aficyjna padali zajaŭku na praviadzieńnie Alimpijskich hulniaŭ u 2030 hodzie. Łatvijskamu horadu płanavałasia davieryć praviadzieńnie spabornictvaŭ pa sannym sporcie, babślei i skieletonie.
Taksama siarod zajaŭnikaŭ była Francyja, jakaja vykazała hatoŭnaść pryniać Alimpijadu ŭ alpijskich rehijonach. U sieradu vykanaŭčy kamitet MAK pačaŭ aficyjnyja pieramovy, kab zimovyja spartyŭnyja hulni prajšli mienavita tam.
Nakont praviadzieńnia zimovaj Alimpijady ŭ 2034 hodzie MAK pačaŭ pieramovy z Sołt-Łejk-Sici ŭ ZŠA, jaki ŭžo prymaŭ Hulni ŭ 2002 hodzie.
Kamisija zasnoŭvała svaje rekamiendacyi na prezientacyjach kandydataŭ i pieramovaŭ ź imi. Asnoŭnymi pryčynami pačatku metanakiravanych pieramovaŭ z Francyjaj ab praviadzieńni Alimpijady ŭ Alpach byli žadańnie znoŭ zrabić rehijon pryvabnym dla turystaŭ za košt stvareńnia bolš ustojlivaj stratehii turyzmu dla zimovych vidaŭ sportu ŭ kantekście źmianieńniaŭ klimatu i ideja vykarystoŭvać užo isnujučyja spartyŭnyja abjekty, a taksama cudoŭny vopyt Francyi ŭ arhanizacyi bolšaści spabornictvaŭ vyšejšaha ŭzroŭniu pa zimovych vidach sportu.
Akramia taho, u nastupnym hodzie ŭ Paryžy płanujucca letnija Alimpijskija hulni.
Kandydatura Francyi na Alimpijskija hulni 2030 hoda karystajecca vialikaj padtrymkaj z boku pryvatnaha siektara, a niekalki partnioraŭ Alimpijady 2024 hoda vykazali hatoŭnaść praciahnuć supracoŭnictva ŭ doŭhaterminovaj pierśpiektyvie. Taksama kandydaturu hetaj krainy padtrymlivaje bolšaść miascovych žycharoŭ, i ŭrad na jaho baku — atrymany harantyjnyja listy ad prezidenta i kiraŭnikoŭ rehijonaŭ.
Stakholm i Sihułda taksama razam padali zajaŭku na praviadzieńnie zimovych Alimpijskich hulniaŭ 2026 hoda, ale paciarpieli niaŭdaču. Spartyŭny forum projdzie ŭ Miłanie i Karcinie-d'Ampieca (Italija).
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča12
Kamientary