Jaki pralny srodak lepšy: u vyhladzie parašku, u kapsułach ci vadki?

Karotkaja historyja pralnych kapsuł

Kapsuły dla prańnia byli ŭpieršyniu pradstaŭleny ŭ 1960-ch hadach, kali Procter & Gamble vypuściła ich pad markaj Salvo ŭ jakaści alternatyvy vadkim i paraškovym myjnym srodkam. Tabletki drenna rastvaralisia i byli źniaty z pryłaŭkaŭ u 1970 hodzie. Praź dziesiać hadoŭ P&G znoŭ pasprabavała z pakunačkami Cheer Power, ale i jany taksama nie ŭrazili spažyŭcoŭ.

Tolki ŭ 2012 hodzie kapsuły znajšli svajo miesca ŭ śviecie prańnia, kali P&G narešcie dasiahnuła pośpiechu z Tide PODS, i z taho času mnohija inšyja vytvorcy pajšli pa ich śladach. Ciapier na rynku šmat pralnych kapsuł usich marak.

Jak pracujuć kapsuły dla prańnia

Jak i kapsuły dla pasudamyjnaj mašyny, pralnyja kapsuły ŭtrymlivajuć vadkija abo paraškovyja ačyščalnyja inhredyjenty ŭnutry rastvaralnaj plonki. Ich možna dadavać niepasredna ŭ baraban pralnaj mašyny. Kali kapsuła traplaje ŭ vadu, plonka rastaje, vyzvalajučy ačyščalnyja inhredyjenty ŭ dziki śviet zabrudžanaha adzieńnia.

Plusy pralnych kapsuł

Akramia vidavočnaha faktaru zručnaści, mnohija ludzi ličać kapsuły lepšymi za tyja ž vadkija myjnyja srodki, tamu što kapsuły źmiaščajuć vyrazna admieranuju kolkaść myjnaha srodku. U Tide taksama śćviardžajuć, kapsuły pracujuć lepš nie tolki z hetaj pryčyny, ale i tamu što jany majuć bolš kancentravanyja ačyščalnyja inhredyjenty.

Niekatoryja srodki, naprykład Tide 3-in-1, tearetyčna mohuć vykonvać zadaču troch roznych praduktaŭ, bo adna kapsuła źmiaščaje adrazu pralny srodak, kandycyjanier (jon ža źmiakčalnik tkaniny) i vydalalnik pachu. A kali vy žyviacie ŭ malusieńkaj kvatery i nie majecie šmat miesca dla zachoŭvańnia, heta moža zekanomić nieabchodnaje miesca ŭ vannym pakoi.

Minusy pralnych kapsuł

Viadoma, kapsuły dla bializny nie va ŭsich adnosinach pieraŭzychodziać zvyčajnyja myjnyja srodki. Pa-pieršaje, jany zvyčajna daražejšyja za inšyja vidy myjnych srodkaŭ. Niekatoryja ź ich mohuć kaštavać na 50 adsotkaŭ daražej za tannyja paraškovyja varyjanty, jakija źjaŭlajucca samymi biudžetnymi.

Pa-druhoje, niahledziačy na zručnuju vyrazna admieranuju kolkaść myjnaha srodku ŭ kapsułach, hetaja ž zručnaść taksama i abmiažoŭvaje vas. Z vadkimi i paraškovymi srodkami ŭ vas značna bolš kantrolu. Naprykład, kali vy chočacie paprać nievialikuju kolkaść adzieńnia, to možacie adpaviedna vybrać mienšuju kolkaść parašku ci vadkaści.

Pavialičyć

Hetak ža ŭ vypadku, kali vam treba paprać niejkuju nievialikuju kolkaść dalikatnych vyrabaŭ: adnoj kapsuły moža być zašmat. I časam heta moža pryvieści da nazapašvańnia chimičnych rečyvaŭ na vašaj vopratcy, što, miakka kažučy, nie vielmi dobra dla skury. Z kapsułami vy taksama nie zmožacie papiarednie apracavać stojkija plamy, jak heta možna zrabić vadkimi myjnymi srodkami. A kali vy zvyčajna myjecie dalikatnyja rečy ŭručnuju, to vam taksama spatrebicca niešta dla hetaha.

I apošniaja reč, jakaja vyklikaje zaniepakojenaść: u 2012 hodzie Centry pa kantroli i prafiłaktycy zachvorvańniaŭ ZŠA vypuścili papiaredžańnie paśla taho, jak kala 500 dziaciej atrucilisia ŭ vyniku ŭžyvańnia pralnych kapsuł. Tamu nie zabyvajcie zachoŭvać padobnyja rečy ŭ miescach, niedastupnych dzieciam.

Plusy i minusy parašku

Vidavočnaj pieravahaj paraškovych srodkaŭ źjaŭlajecca košt. Aproč hetaha, parašok u teoryi moža być bolš ekałahičnym za inšyja varyjanty, bo dla jaho vytvorčaści patrabujecca mienš upakoŭki i vady. (Kali vy chočacie być pa-sapraŭdnamu ekałahična čystym čałaviekam, vy možacie zrabić svoj ułasny parašok: siońnia ŭ jutubie chapaje receptaŭ na rozny hust.)

Samaja vialikaja prablema parašku ŭ tym, što jon nie zaŭsiody całkam rastvarajecca ŭ pralnych mašynach, asabliva kali vy myjecie vopratku ŭ chałodnaj vadzie. Tamu kali vy chočacie vykarystać parašok dla papiaredniaj apracoŭki plam, zrabicie pastu, dadaŭšy haračaj vady, i naniasicie jaje na plamy kryvi, hliny abo inšaha brudu, raić Howstuffworks.

Plusy i minusy vadkaha myjnaha srodku

Vadkija pralnyja srodki kaštujuć daražej, čym paraškovyja, ale tańniej, čym kapsuły. I hałoŭny ich plus, badaj: jany nie pakinuć śladoŭ na vopratcy niezaležna ad tempieratury vady.

Vadki srodak dla myćcia taksama źjaŭlajecca zručnym varyjantam dla ručnoha prańnia, bo vam nie treba čakać, pakul myjny srodak rastvorycca ŭ vadzie, jak heta było b z paraškom abo kapsułaj.

Vadki srodak dla myćcia taksama zručny dla vydaleńnia plam, a asabliva efiektyŭny pry vydaleńni tłuščavych i alejnych plam: pierad asnoŭnym myćciom vam treba prosta papiarednie apracavać plamu nievialikaj kolkaściu vadkaha srodku.

Jak vybrać pravilny srodak

Pierš čym razhladać plusy i minusy roznych srodkaŭ, treba vyznačyć svaje patreby ŭ prańni. Niekatoryja pytańni mohuć dapamahčy vam z vybaram:

• nakolki adčuvalnaja ŭ vas skura?
• jakaja ŭ vas pralnaja mašyna i ź jakimi srodkami jana moža być sumiaščalnaja?
• kudy idzie vaš myjny srodak — niepasredna ŭ baraban ci ŭ skryniu dla myjnych srodkaŭ?
• ci patrebny vam śpiecyjalnyja myjnyja srodki dla roznych situacyj (naprykład, dalikatnaje i pracoŭnaje adzieńnie) abo chopić adnoj formuły, jakaja zrobić usio?
• pry jakoj tempieratury vy zvyčajna pieracie bializnu?

Darečy, u Staražytnym Rymie ludzi vykarystoŭvali čałaviečuju maču dla ačystki svajoj brudnaj bializny — i, kažuć, heta sapraŭdy pracavała. Spadziajemsia, nam nie daviadziecca praviarać.

• 11
• 0
• 2
• 1
• 5
• 5
• 11
• 0