«Cmok na skarbie». Na Kamaroŭcy pradajecca daražeznaja jołačnaja cacka
U sieradu ŭ instahram-akaŭncie «Kamaroŭka» apublikavali nievialiki, ale vielmi cikavy rolik. U im pakazvajuć i raspaviadajuć, jakija navahodnija cacki možna kupić na navahodnim kirmašy. Siarod ich jość i vielmi niezvyčajnaja, zaŭvažyŭ «Anłajnier».
U kancoŭcy rolika mužčyna kaža: «Samaja darahaja cacka Respubliki Biełaruś sioleta. Prašu lubić i pavažać — «Cmok na skarbie».
Cacka kaštuje 400 rubloŭ. Kryły, dziuba i hałava vykananyja z palistoŭnu — materyjału, jaki nazyvajuć alternatyvaj naturalnamu kamieniu. Vytvorca — polskaja firma Glitterlab z horada Čenstachova, jakaja śpiecyjalizujecca na roznych upryhožańniach.
Ci kuplajuć takija darahija cacki, zapytaŭsia «Anłajnier» u Dźmitryja — indyvidualnaha pradprymalnika, jaki pradaje ŭpryhožańni na Kamaroŭcy. Pavodle jahonych słoŭ, pakupnik biare vielmi roznyja cacki, u tym liku darahija.
Tak, u Dźmitryja kupili za 400 rubloŭ «Cmoka na skarbie» čyrvonaha koleru. A adna žančyna płanuje ŭziać «Pryncesu na harošynie», stvoranuju pa matyvach znakamitaj kazki Hansa Kryścijana Andersena. Kaštuje takaja 300 rubloŭ.
Niamieckaja para pastaviła ŭ siabie doma 555 kaladnych jalinak. I heta suśvietny rekord
Maleńkaja hrodzienka dva hady kranalna maryła pra plušavuju cacku. Usio zdavałasia bieznadziejnym, ale skončyłasia chepi-endam
«Samaje składanaje i cikavaje — rośpis tvarykaŭ». Biełaruska stvaraje z vaty dušeŭnyja kaladnyja cacki
«Miły napamin». U internet-kramach pradajuć jołačnyja cacki ŭ vyhladzie ściahoŭ — čyrvona-zialonaha i rasijskaha
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku62
Kamientary