«Miły napamin». U internet-kramach pradajuć jełačnyja cacki ŭ vyhladzie ściahoŭ — čyrvona-zialonaha i rasijskaha
Internet-krama Oz.by pradaje niezvyčajnuju cacku dla jalinki. Nazva — «Ściah Respubliki Biełaruś».
A voś jak vyhladaje apisańnie tavaru: «Čaroŭnaja jełačnaja cacka stanie vydatnym upryhožańniem navahodniaj jalinki. Pasłužyć cudoŭnym suvieniram i miłym napaminam ab čaradziejnym śviacie».
Kaštuje takaja cacka 22 rubli 10 kapiejek.
Vytvorca — biełaruskaje pradpryjemstva «Hraj» (nazva pachodzić ad skaročanaj frazy «Hanarusia Rečami AJčyny»). U minułyja hady pradpryjemstva vyrablała cacki jak z malunkami ŭ kolerach aficyjnaha ściaha, tak i z nacyjanalnym arnamientam i biełaruskimi simvałami.
Zaraz u biełaruskich kramach možna pabačyć taksama cacki dla ŭpryhožvańnia jalinki z hierbam Biełarusi. Darečy, na markietpłejsie Wildberries taksama možna znajści pradukcyju «Hraj» — ale heta ŭžo ściah Rasijskaj Fiederacyi. Kaštuje jon 20 rubloŭ 85 kapiejek.
Paznačana, što cacka vykanana z polikieramiki i ŭručnuju raśpisana biełaruskimi majstrami-mastakami. «Navahodniaje jełačnaje ŭpryhažeńnie niezvyčajnaj formy stanie najlepšym upryhažeńniem vašaj navahodniaj jalinki. Jarkaje spałučeńnie koleraŭ, niepaŭtorny dyzajn padoryć vam radasnyja emocyi i pahruzić u kazačnuju atmaśfieru navahodniaha śviata», — tak apisvajuć cacku-ściah.
Baraćba ź inšamoŭnymi nazvami, śviatami i cackami. Što čynoŭniki prapisali ŭ novaj kancepcyi nacyjanalnaj kultury
«Tolki ŭ Kryčavie majstry lapili kańka biez nožak i padobnaha da šachmatnaj fihurki». Kryčaŭskuju śviściołku ŭnieśli ŭ śpis historyka-kulturnych kaštoŭnaściaŭ
«Babry hryźli les, a my padbirali biarvieńnie». Biełarusy robiać u Polščy draŭlanyja cacki i nabirajuć u ciktoku miljony prahladaŭ
Kamientary
i pahruzić u kazačnuju atmaśfieru navahodniaha śviata», — apisvajecca
cacka-ściah.