«Santa-Kłaŭs tut bolš nie spyniajecca». Bondarava znajšła «kramołu» na minskim Hałoŭpaštamcie
Viadomaja danosčyca z Hrodna Volha Bondarava naviedała Hałoŭny paštamt u Minsku i, viadoma, znajšła tam da čaho pryčapicca. A sajuźnicu atrymała ŭ asobie inšaj sumnaviadomaj Volhi — Čamadanavaj.
Abureńnie Bondaravaj hetym razam vyklikała toje, što administracyja Hałoŭpaštamta raźmiaściła ŭ im jalinku i pastaviła kala jaje dźvie fihury — śniehavika z tabličkaj Santa stop here («Santa spynisia tut») i Ščaŭkunka. Danosčyca dačapiłasia da vykarystańnia vobrazu «čužynskaha» Santa-Kłaŭsa.
«Hałoŭpaštamt: Santa-Kłaŭs tut bolš nie spyniajecca. Bo niama čaho ełhebetešnych staryčyn padsoŭvać našym dzieciam», — zajaviła Bondarava.
Miarkujučy pa vystaŭlenym joj zdymku, jaje pretenzii adrazu ž byli pryniatyja da vykanańnia. Na novym zdymku jalinka staić užo adna, bieź nijakich fihurak.
Vidać, pamahła ŭ hetym Bondaravaj načalnica Hałoŭnaha ŭpraŭleńnia ideałahičnaj raboty i ŭ spravach moładzi Minharvykankama Volha Čamadanava, bo joj danosčyca vykazała padziaku:
«Ad usioj dušy dziakuju čaraŭnicy-Śniahurcy ź Minharvykankama Volzie Mikałajeŭnie Čamadanavaj za ščyry i dziejny kłopat ab staličnaj moładzi. Što tam kiraŭnictva Hałoŭpaštamta, ci prapanuje naviedvalnikam lubavacca instalacyjami z našymi, ajčynnymi hierojami kazak, ź Dziadulem Marozam i Śniahurkaj?.. Chutka Novy hod», — napisała Bondarava.
Chto moža pieramahčy Bondaravu i na kaho ŭpłyvaje Azaronak
Ataka Bondaravaj na tarty dla darosłych pravaliłasia
«Dziŭnaje sacspabornictva, chto bolš napryznaje». TH-kanał, jaki źviazvajuć z Markavym, pakrytykavaŭ siłavikoŭ za toje, što ekstremistami stali ŭsie
«Zrabiŭ vysnovu, što našyja zmahary mieli racyju». Praŭładny pravakatar schadziŭ na pryjom u abłvykankam i rasčaravaŭsia va ŭładzie
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk41
Kamientary