Što za biełaruskaja hulnia, u jakuju inviestavaŭ Ranałdu
Kryšcijanu Ranałdu dałučyŭsia da inviestavańnia 40 miljonaŭ dalaraŭ u futbolny simulatar, stvorany biełarusami. Raskazvajem hałoŭnaje pra hulniu, što pryvabiła futbolnuju lehiendu.
Miljony ad Ranałdu atrymaje biaspłatny futbolny simulatar UFL. Pra hetuju hulniu, jakaja pakul nie źjaviłasia na rynku, kažuć, što jana stvoranaja hiejmierami i zasnavanaja na spraviadlivym padychodzie da futboła, kali na pieršy płan vychodziać navyki hiejmiera. UFL ličać kankurentam znakamitaha futbolnaha simulatara EA Sports FC, jaki raniej vychodziŭ pad nazvaj FIFA.
Siarod stvaralnikaŭ UFL — kampanija Strikerz Inc., jakaja ciapier bazirujecca na Kipry, ale maje biełaruskija karani. Jaje kiraŭnik, biełarus Jaŭhien Našyłaŭ, nie mienš rady pasupracoŭničać sa znakamitym partuhalcam: «Toje, što Kryšcijanu Ranałdu dałučajecca da nas jak partnior i inviestar — značny krok napierad i padtrymka našaha bačańnia taho, jak stvaryć viadučuju hulniu dla futbolnych fanataŭ va ŭsim śviecie. UFL imkniecca da inavacyj, technałohij i zabaŭlalnaści, i my bačym vialikija mahčymaści dla taho, kab pracavać u hulniavoj industryi pa-inšamu».
Što viadoma pra samu hulniu UFL? Čakajecca, što ŭ joj hiejmiery atrymajuć mahčymaść stvarać ułasnyja kłuby i vybirać dla jaje hulcoŭ z bolš čym piaci tysiač licenzavanych futbalistaŭ. Taksama ŭ hiejmieraŭ budzie mahčymaść spaborničać ź inšymi hulcami z usiaho śvietu.
Data relizu hulni pakul nieviadomaja, ale chutka pačniecca faza jaje zakrytaha testavańnia. Hulnia budzie dastupnaja dla kansolaŭ PlayStation 5 i Xbox Series X i S. Možna budzie atrymlivać usie novyja abnaŭleńni UFL biez dadatkovych vypłat ci štohadovych unioskaŭ.
«Naša Niva» — bastyjon biełaruščyny
PADTRYMAĆNajlepšy futbalist Biełarusi — viciabčuk z afrykanskimi karaniami. Chto taki Maks Ebonh
Ciapier čytajuć
«Kibierpartyzany» zajavili, što zdabyli bazu danych danosčykaŭ KDB28
Kamientary