U Minsk prylacieŭ lehiendarny Ił-76, zachopleny talibami ŭ 1990-ch
Ekipaž prabyŭ u pałonie 378 dzion i zdoleŭ uciačy.
U aŭtorak u 22:51 u Nacyjanalnym aeraporcie «Miensk» pryziamliŭsia Ił-76TD (RA-76842), jaki ekspłuatuje rasijskaja avijakampanija Avijakan Cytatrans.
Pa ŭsim vidać, bort prybyŭ na techničnaje absłuhoŭvańnie na Minski zavod hramadzianskaj avijacyi №407. Samalotu ŭžo 29 hadoŭ — vielmi pavažany ŭzrost, ale admietny hety bort zusim nie hetym, paviedamlaje Motolkohelp.
Mienavita hety samalot byŭ pierachopleny terarystami ruchu Taliban u niebie nad Afhanistanam 3 žniŭnia 1995 hoda.
Taliby padniali ŭ nieba źniščalnik i prymusili Ił-76 da pasadki ŭ Kandahary. Na borcie Ił-76 znachodziłasia siem členaŭ ekipaža, a pieravozili jany bojeprypasy dla afhanskaha ŭrada.
Uvieś ekipaž razam z samalotam byŭ uziaty ŭ pałon, u jakim jany znachodzilisia 378 dzion.
16 žniŭnia 1996 hoda, pad markaj čarhovaha absłuhoŭvańnia samalota, ekipažu ŭdałosia zapuścić ruchaviki i ŭciačy praź Iran na reštkach paliva.
Pa matyvach hetaj historyi byŭ źniaty rasijski film «Kandahar».
Ciapier čytajuć
Delehatka KR Karpušonak paśla maŭčańnia apublikavała videa19
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary