Rasijskija muzyčnyja servisy vydalili sa svaich biblijatek papularnuju ŭ svoj čas pieśniu «Hołubaja łuna» ŭ vykanańni Barysa Maisiejeva i Mikałaja Trubača, zaŭvažyła «Novaja hazieta Jeŭropa».
Pieśnia źnikła z takich płatformaŭ, jak «VK Muzyka», «Zvuk», «Jandieks Muzyka» i «MTS Muzyka». Inšyja pieśni Maisiejeva pakul nie vydalalisia.
Miarkujecca, što pryčynaj takoha kroku mahło stać pryznańnie ŭ Rasii «mižnarodnaha ruchu ŁHBT» «ekstremisckaj arhanizacyjaj», bo «Hołubaja łuna» ličyłasia nieaficyjnym himnam rasijskaj hiej-supolnaści.
Pa słovach pradstaŭnika «Jandeksa», pieśniu vydalili praz toje, što, maŭlaŭ, «Jandieks Muzyka» nie vałodaje aŭtarskimi pravami na jaje z 2020 hoda. Inšyja servisy situacyi pakul nie kamientavali.
Heta nie pieršaja prykmieta aktyŭnaha zmahańnia rasijskich uładaŭ z «upłyvami ŁHBT», prytym časta ŭ niečakanych miescach.
Tak, niadaŭna rasijski sud znajšoŭ «prapahandu» ŁHBT u klipie na pieśniu Mikałaja Baskava «Strańnik» z-za taho, što jaje liryčny hieroj z dapamohaj pohladaŭ nibyta raŭnuje mužčynu, a taksama ŭ klipie na pieśniu Siarhieja Łazarava, dzie možna było razhladzieć luboŭnyja adnosiny pamiž dziaŭčatami.
Taksama 22 śniežnia sud daŭ 15 dzion administracyjnaha aryštu repieru VACÍO (Mikałaj Vasiljeŭ), jaki źjaviŭsia na «hołaj viečaryncy» błohierki Naści Iŭlejevaj u kłubie Mutabor. Na mužčynu nie było adzieńnia, akramia škarpetki na pienisie. Vasiljevu pastavili ŭ vinu parušeńnie hramadskaha paradku i prapahandu «nietradycyjnych seksualnych adnosin», choć sam repier zajaŭlaŭ, što jon hieterasieksualny i jaho «cikaviać tolki dziaŭčaty».
My nazirajem, jak u Rasii z ŁHBT robiać taki ž strach, jaki nacysty rabili ź jaŭrejaŭ. Što heta aznačaje dla biełarusaŭ
«Nadzieć na šyju stužku ŁHBT — dla mianie heta prosta kraj». Lohkaatletka Mirončyk-Ivanova raskazała pra svaje kalarovyja fobii
Hamafobny treš u Rasii: staronku hurta «Tatu» prykryli, a papularnamu mulciku pastavili markiroŭku «ad 18 hadoŭ»
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary