Za kolki pradajuć savieckija jołačnyja cacki? Pahladzicie, ci nie možacie vy razbahacieć
Pry padrychtoŭcy da zimovych śviat niekatoryja nie tolki imknucca ŭpryhožyć svaju chatu, ale i žadajuć pazbavicca ad taho, što ŭžo nie aktualna. Pierš čym addać ci vykinuć takija rečy, pahladzicie, a ci nie rarytet zachoŭvajecca ŭ šafie. Za toje, što ŭžo daŭno vam nie treba, možna atrymać niadrennyja hrošy, piša «Pieršy Pinski».
Jołačnyja cacki z SSSR
U abjavie z Žodzina paznačana, što cacki z časoŭ SSSR u idealnym stanie. Za 15 štuk pradaviec choča 4500 rubloŭ.
Cacki z Homiela aceńvajucca ŭ 600 rubloŭ. U apisańni tavaru pradaviec piša, što jołačnyja cacki pradajucca adnym łotam. Kolkaść — bolš za 500 štuk. Źviarkoŭ, čałaviečkaŭ — bolš za 150 štuk, fihurak — bolš za 200 štuk.
U Minsku za piać jołačnych cacak savieckich časoŭ chočuć 500 rubloŭ. Zrobleny sa škła, mahčymy torh.
Jašče adna abviestka ź Minska, u jakoj paznačana, što pradajecca redkaja jołačnaja cacka «Załaty kapytok». Cana za štuku — 200 rubloŭ. Stan, jak śćviardžaje pradaviec, vydatny.
Z apisańniem pradaŭca niemahčyma nie pahadzicca, bo pry zapycie «Załaty kapytok» pošuk vydaje tolki abjavy pra cacku «Siarebrany kapytok». I tolki na rasijskich sajtach.
Dzied Maroz savieckich časoŭ za 200 rubloŭ taksama žadajuć pradać u stalicy. Pradaviec daje vielmi abjomnaje apisańnie. Vyrableny z vaty i papje-maše, tvar — kieramika, akuratny rośpis uručnuju. Chałat z materyi. Barada z vaty. Padstaŭka z faniery. Da miaška Dzieda Maroza prymacavany šklanyja cacki.
Stan dobry. Usio rodnaje, aryhinalnaje, biez restaŭracyi. Majucca nievialikija paškodžańni na padstaŭcy, para maleńkich defiektaŭ na futry pa kaŭniary.
Hod naradžeńnia: 1980.
Rost dziaduli: 70 sm.
Jakija ceny na inšych sajtach
Na inšaj placoŭcy ceny za jołačnyja cacki časoŭ SSSR nie mienšyja. Naprykład, u Viciebsku pradaviec prosić za svoj łot 5000 rubloŭ. Pradajecca optam, ad 1000 štuk.
Łot z Hrodzienskaj vobłaści ŭ kolkaści 600 štuk aceńvajecca ŭ 1300 rubloŭ.
Nasamreč abjaŭ ab prodažy navahodnich cacak savieckaha času vielmi šmat. I kali chtości choča prosta vyzvalić miesca ŭ domie, to inšyja — niadrenna zarabić. Voś jašče niekalki abjaŭ, z najbolej darahich.
Pahladzicie, być moža i ŭ vas pylacca ŭ šafie vialikija hrošy.
Kamientary
muž bondarievoj rabotał na fabrikie jełočnych ihrušiek?