Pradstaŭnik Hałoŭnaha ŭpraŭleńnia raźviedki Ministerstva abarony Ukrainy Andrej Jusaŭ raskazaŭ vydańniu «Suśpilnie Krim», jak udary pa akupavanym paŭvostravie paŭpłyvali na łahistyku rasijan, jak doŭha rychtavalisia hetyja apieracyi i ci prachodzić pieradysłakacyja rasijskich vojskaŭ unutry Kryma.
Pavodle słovaŭ Jusava, Ukraina paśpiachova pavialičyła i pašyryła zonu ŭpłyvu i kantrolu, kali havorka idzie pra Krym i ŭ cełym situacyju na Čornym mory. Tamu siońnia dla akupantaŭ niama biaśpiečnaha miesca na terytoryi akupavanaha paŭvostrava.
Jak jon śćviardžaje, užo niekalki miesiacaŭ rasijanie vymušanyja zajmacca pieradysłakacyjaj infrastruktury Čarnamorskaha fłotu z ukrainskaha Kryma ŭ Navarasijsk i inšyja abjekty. Prytym pierabazujecca jak častka sudnaŭ, tak i štabnaja infrastruktura.
U paraŭnańni z 2022 hodam sioleta kolkaść apieracyj i naniesienych udaraŭ pa žyvoj sile i srodkach akupantaŭ u Krymie značna ŭzrasła. Heta tyčycca jak vajskovych, tak i łahistyčnych abjektaŭ, jakija vykarystoŭvajucca ŭ vajskovych metach.
Za hety hod było bolš maštabnych apieracyj ukrainskich vajskoŭcaŭ, u pryvatnaści ŭdary pa Krymskim moście, viartańnie pad ukrainski kantrol «vyšak Bojki», desantnyja apieracyi ŭkrainskich śpiecnazaŭcaŭ HUR i ŭ cełym dziejnaść siłaŭ biaśpieki i abarony razam z rucham supracivu. Kožnaja takaja paśpiachovaja apieracyja źjaŭlajecca prablemaj dla ahresara z punktu hledžańnia adnaŭleńnia łancužkoŭ pastavak, z punktu hledžańnia adnaŭleńnia hrafikaŭ, ź jakich jany vybivajucca.
Što tyčycca padrychtoŭki da takich apieracyj, to, pa słovach Andreja Jusava, heta praciahły praces i havorka idzie pra miesiacy. Padrychtoŭka ŭklučaje zbor danych, pravierku krynic i paćviardžeńnie infarmacyi.
Akramia taho, kožnaja padobnaja apieracyja prachodzić pry aktyŭnaj padtrymcy miascovaha nasielnictva i ruchu supracivu — tych ludziej, jakija čakajuć viartańnia Ukrainy va ŭkrainski Krym i prykładajuć da hetaha ŭsie mahčymyja namahańni.
Taksama takija śpiecapieracyi prachodziać z dapamohaj zachodnich partnioraŭ, u pryvatnaści ŭ pytańniach abmienu danymi i kansultacyj. Ale što tyčycca płanavańnia i realizacyi dy pryniaćcia rašeńniaŭ adnosna kankretnych apieracyj, to, biezumoŭna, Ukraina i jaje kamandavańnie prymaje rašeńni samastojna.
Kamientujučy papiarednija zajavy z boku ŭkrainskich aficyjnych asob, što sioleta ŭkrainskaje vojska mieła zajści ŭ akupavany Krym, Jusaŭ adznačyŭ, što infarmacyja — heta taksama zbroja. Infarmacyja ad aficyjnych asob, ad vajenna-palityčnaha kiraŭnictva — taksama instrumient upłyvu. Jany robiacca tady, kali heta treba, i atrymlivajecca adpaviedny vynik.
A što tyčycca kankretnych zajaŭ — to jany, maŭlaŭ, spraŭdzilisia. Bo ŭkraincy byli ŭ Krymie hetym letam. Paśla napadaŭ na štaby rasijskich vajskoŭcaŭ na paŭvostravie akupanty sprabujuć mianiać, pieradysłakavać i chavać vajskovuju infrastrukturu.
Pradstaŭnik ukrainskaj raźviedki padkreśliŭ, što ŭdar pa štab-kvatery Čarnamorskaha fłotu RF u Sievastopali ŭ vieraśni staŭ reputacyjnaj katastrofaj dla akupantaŭ. A akramia infarmacyjnaha składnika — heta absalutna kankretnaja karyść dla USU, bo vyviedzieny sa stroju važny abjekt varožaj infrastruktury i zabitaja ci paranienaja značnaja kolkaść aficerskaha składu praciŭnika.
Ukraina za čatyry miesiacy źniščyła 20% rasijskaha Čarnamorskaha fłotu — ministr abarony Vialikabrytanii
Kamandzir karabla Čarnamorskaha fłotu zahinuŭ. Paćviardžajecca infarmacyja HUR pra ataku pa desantnych katarach u Krymie
Daniłaŭ: Ukraina maje šalonyja pośpiechi na Krymskim napramku
Karabli Čarnamorskaha fłotu Rasii adstupili ź Sievastopala ŭ Novarasijsk i Fieadosiju
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary