Były kiraŭnik «Ruchu za Svabodu», kandydat u prezidenty na vybarach 2006 hoda, a ciapier pazaštatny daradca Śviatłany Cichanoŭskaj Alaksandr Milinkievič u intervju «Jeŭraradyjo» patłumačyŭ, čamu na ciapierašnim etapie Cichanoŭskuju abjektyŭna niemahčyma na kahości zamianić.
«Ja nie baču ŭvohule šancaŭ na toje, kab u nas da pieršych demakratyčnych vybaraŭ niejak zamianić Cichanoŭskuju. Navat tym, chto vielmi chacieŭ by hetaha. Ja sam to nie chaču.
Ja liču, što jana dobra pracuje. Možna rabić zaŭvahi, možna być čymści niezadavolenym — ale ŭ cełym vielmi efiektyŭna. Jaje ŭsprymajuć jak čałavieka roŭnaha ź imi lidary samych vialikich krain.
Ci možam my siońnia novuju Cichanoŭskuju abrać? Niekatoryja kažuć: a voś u nastupnym hodzie vybary Łukašenki, sam siabie vybiera, a tamu ŭžo i jaje paŭnamoctvy kančajucca. Ja zaklikaju ŭsich znoŭ ža być adkaznymi. Tamu što kali chtości pasprabuje, — a moža, i zrobić takoje niaščaście biełarusam, — adšturchnuć ubok Cichanoŭskuju, to heta budzie značyć tolki adno: my zastaniemsia bieź lidara, pryznanaha va ŭsim śviecie, jaki ahučvaje intaresy biełaruskaj demakratyčnaj bolšaści i robić heta krok za krokam, niahledziačy na peŭnuju stomlenaść.
Nie budzie druhoj Cichanoŭskaj, bo nie pryznajuć inšaha čałavieka, vybranaha vuzkim kołam ludziej, nie viedaju, Kaardynacyjnaj radaj ci niejkimi pradstaŭnikami, na nieviadoma jakich vybarach. My nie možam pravieści narmalnyja vybary ŭ časie takich represij.
Tamu, na maju dumku, pakul Cichanoŭskaja zdolnaja, dobra pracuje i maje jašče siły, treba dapamahać joj da pieršych vybaraŭ. Tam my vyrašym, chto lepšy — jana ci inšy. Ale ciapier heta prosta dasiahnieńnie vialikaje. Ja liču, što heta Božy dar. Dali nam šaniec na čałavieka, jaki staŭ na miesca lidara, i Biełaruś dziakujučy hetamu zastajecca ŭ paradku dnia i Jeŭropy, i Amieryki», — patłumačyŭ Milinkievič.
«I pierad Zachadam, i pierad nami paŭstanie maralny vybar: ci siadać z dyktaturaj za stoł pieramoŭ» — Milinkievič
Milinkievič vykazaŭsia pra nastupstvy zamieny Śviatłany Cichanoŭskaj i mahčymy jaje palityčny los paśla 2025 hoda
«Heta maralny aŭtarytet». Milinkievič raskazaŭ, chto pavinien być prezidentam krainy ŭ pierachodny pieryjad. I nazvaŭ imia
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary