Miažu Rasii ź Biełaruśsiu zakryli dla ŭsich fur z kiroŭcami-inšaziemcami
Praź miažu Rasii i Biełarusi pierastali puskać hruzaviki z kiroŭcami, u jakich niama biełaruskaha ci rasijskaha hramadzianstva. Z publikacyj ŭ kanałach dalnabojščykaŭ i aficyjnych paviedamleńniaŭ biełaruskich uładaŭ možna zrazumieć, što miažu zakryła Rasija, piša «Ahientstvo».
Pieršyja paviedamleńni pra ŭviadzieńnie abmiežavańniaŭ na rasijska-biełaruskaj miažy źjavilisia ranicaj 10 studzienia ŭ supołkach dalnabojščykaŭ. Pra abmiežavańni na miažy paviedamiŭ i telehram-kanał uźbiekistanskaj transpartnaj kampanii EGS GROUP.
Z publikacyj pamiežnych upraŭleńniaŭ FSB Rasii pa Smalenskaj i Branskaj abłaściach vynikała, što kiroŭcy-mižnarodniki z trecich krain, uklučajučy dziaržavy JEAES, mohuć ujazdžać i vyjazdžać z Rasii tolki praź mižnarodnyja punkty propusku, jakich na miažy Rasii ź Biełaruśsiu prosta niama.
Pamiežniki taksama paviedamlali, što buduć razhladać pierasiačeńnie rasijskaj-biełaruskaj miažy furami z kiroŭcami-zamiežnikami jak parušeńnie paradku, ustanoŭlenaha fiederalnymi zakonami № 114 «Ab paradku vyjezdu z RF i ŭjezdu ŭ RF» i № 4730-1 «Ab dziaržaŭnaj miažy RF».
Prablemaj užo zacikavilisia i ŭłady krain, kiroŭcy ź jakich sutyknulisia ź ciažkaściami. Ministr handlu i intehracyi Kazachstana Arman Šakalijeŭ 11 studzienia paćvierdziŭ prablemy z kazachstanskimi hruzami na rasijska-biełaruskaj miažy. Sa słoŭ čynoŭnika, ułady krainy ŭžo abmiarkoŭvajuć hetaje pytańnie z Rasijaj i Biełaruśsiu. Prytym kazachstanskija ŭłady byli schilnyja vinavacić biełaruski bok.
U toj ža čas mytnyja orhany Biełarusi 11 studzienia paviedamili, što abmiežavańni ŭviedzienyja pa inicyjatyvie Maskvy.
«Viartańnie ažyćciaŭlajecca pamiežnaj słužbaj FSB Rasii z pryčyny adsutnaści padstaŭ dla propusku na rasijskuju terytoryju», — paviedamiła biełaruskaja mytnia.
Što pasłužyła pryčynaj rašeńnia, pryniataha rasijskimi ŭładami, pakul nie zrazumieła.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś5
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary