Aleś Čyhir adpracavaŭ 13 hadoŭ nastaŭnikam historyi ŭ babrujskich škołach. Za hety čas nia mieŭ nivodnaha spahnańnia. Małyja jaho lubili. Jon viedaŭ da ich padychod, bo sam haduje troje dziaciej – dačku Alisu i synoŭ Mirasłava i Ŭsievałada. Dy čakaje čaćviortaje. Niahledziačy na ŭsio heta, viedamstva ministra Radźkova zvolniła jaho adnym rosčyrkam piara.
Aleś Čyhir adpracavaŭ 13 hadoŭ nastaŭnikam historyi ŭ babrujskich škołach. Za hety čas nia mieŭ nivodnaha spahnańnia. Małyja jaho lubili. Jon viedaŭ da ich padychod, bo sam haduje troje dziaciej – dačku Alisu i synoŭ Mirasłava i Ŭsievałada. Dy čakaje čaćviortaje. Niahledziačy na ŭsio heta, viedamstva ministra Radźkova zvolniła jaho adnym rosčyrkam piara.
Sposab: nie padoŭžany kantrakt. Padstava: udzieł u Dni Voli ŭ «pracoŭny čas». Miž tym Dzień Voli adbyvaŭsia ŭ subotu, kali zaniatki ŭ Alesia skončylisia.
Dyk pryčyna?
Aleś – adzin z samych charyzmatyčnych lideraŭ nacyjanalnaha ruchu ŭ rehijonach, viadomy nia tolki ŭ Babrujsku (dzie ŭ 2003 hodzie jon bliskuča pieramoh pradstaŭnika haradzkoj vertykali na vybarach u deputaty harsavietu) i na radzimie, u Homielščynie. Darečy, da byłoha premjera Michaiła Čyhira Aleś nijakaha dačynieńnia nia maje.
«NN»: Spadaru Aleś, što Vy źbirajeciesia rabić u hetaj sytuacyi?
AČ: Źbirajusia zmahacca. Choć u našaj krainie zmahańnie pa takich pytańniach nosić vyklučna farmalny charaktar. Ja daŭ im času abdumacca da 31 žniŭnia; kali majo pytańnie nia budzie vyrašana stanoŭča, to ja maju prava źviartacca ŭ sud. U mianie ž troje małych dziaciej. Nia vyklučana, što ja navat budu vykarystoŭvać bolš radykalnyja metady zmahańnia, jak, skažam, haładoŭka.
«NN»: Sp.Aleś, ci ciažka ŭ Babrujsku znajści pracu?
AČ: Dla mianie paprostu niemahčyma, pra heta mnie adkryta skazali, kali nie padaŭžali kantraktu.
Vypadak z A.Čyhirom typovy dla krainy «podlinna narodnaj» demakratyi. Pavodle źviestak Kamitetu abarony represavanych «Salidarnaść», za apošni hod za palityčnyja pierakanańni abo asabistuju pryncypovaść byli vyhnanyja z pracy ci miesca navučańnia 795 asobaŭ, ale, jak adznačyli ŭ Kamitecie, hety śpis daloka nia poŭny.
Kamientary