U chłopca niama zdaroŭja, ale chočacca ŭ siłaviki. Dapamahła Kačanava
Na pryjom da staršyni Savieta Respubliki Natalli Kačanavaj pryjšła maci chłopca z Kaściukovičaŭ i paprasiła jaje dapamahčy jaje synu ŭładkavacca ŭ siłavyja struktury, u jakich jon nie moža słužyć pa zdaroŭju, paviedamlaje BiełTA.
U svoj čas syn žančyny byŭ adličany z Vajskovaj akademii, a paśla hetaha pastupiŭ na słužbu ŭ atrad «ZUBR» (atrad śpiecyjalnaha pryznačeńnia MNS). Ale ŭ kastryčniku 2023 hoda jon z-za chvaroby trapiŭ u reanimacyju i ciapier sa svaim dyjahnazam nie moža być siłavikom, choć i zaŭždy pra heta maryŭ.
Žančyna
«dla siabie vyrašyła, što mnie treba pasprabavać źviarnucca da Natalli Ivanaŭny, tamu što jość vyklučeńni z praviłaŭ i, moža być, my atrymajem takoje vyklučeńnie».
Jana paprasiła Kačanavu dapamahčy, bo ŭ Minsku ŭ chłopca, maŭlaŭ, dziaŭčyna, a sam časova pracuje ŭ Rasii, ale ž choča na słužbu, niahledziačy na dyjahnaz.
Natalla Kačanava dała daručeńnie padabrać dla maładoha čałavieka pracu ŭ siłavych strukturach, dzie možna słužyć i z takim dyjahnazam. Ale, chutčej za ŭsio, heta budzie cyvilnaja pasada.
«Nam patrebnyja tut takija chłopcy, tym bolš jamu padabajucca siłavyja struktury», — zaŭvažyła Kačanava.
Čytajcie taksama:
Kačanava vykazała spačuvańni pa zahinułych u Daniecku, nazvaŭšy rehijon Rasijaj
«A pavinna być u fufajcy?» Łukašenkaŭcy kinulisia abaraniać šubu Kačanavaj
Kačanavu zapytalisia pra Pucina, a jana pa zvyčcy raschvaliła Łukašenku
Kamientary