Pavodle prezidenta Rasii Uładzimira Pucina, u zonie bajavych dziejańniaŭ va Ukrainie znachodziacca 617 tysiač vajskoŭcaŭ.
Ci ŭklučaje heta ličba rasijskija straty, nieviadoma. Raźviedka ZŠA ličyć, što Rasija na vajnie va Ukrainie straciła zahinułymi i paranienymi 315 tysiač čałaviek.
Pavodle Pucina, ciapier na froncie va Ukrainie znachodzicca bolš za 200 tysiač rasijskich mabilizavanych, a kala 40 tysiač mabilizavanych byli zvolnienyja sa słužby z roznych pryčyn. Novaj chvali mabilizacyi ŭ Rasii nie płanujecca, dadaŭ jon.
Pucin nahadaŭ, što ŭ Rasii idzie kampanija pa pryciahnieńni kantraktnikaŭ. Jon zajaviŭ, što ŭžo 486 tysiač čałaviek zaklučyli vajskovyja kantrakty.
Taksama Pucin paabiacaŭ razabracca z vypłatami bajcoŭ PVK.
«Farmalna PVK u Rasii niama», zajaviŭ jon. U jaho, skazaŭ Pucin, «byli blizkija ludzi, niekatoryja pajšli z žyćcia, addali žyćcio za radzimu, vajujučy ŭ ramkach hetaj PVK».
Słova «Vahnier» prezident Rasii nie vymaviŭ, zaŭvažyŭ Dožd́.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary