Juryst kamientuje, ci mahčyma chutka stvaryć sumiesnuju z Rasijaj bazu «ekstremistaŭ» i što heta daść
Čaho čakać, kali Biełaruś i Rasija nasamreč abjadnajuć śpisy «ekstremistaŭ» i «ekstremisckich resursaŭ»? Paprasili advakata, śpiecyjalista pa mižnarodnym pravavym supracoŭnictvie ŭ kryminalnych spravach Alesia Michaleviča prakamientavać siońniašniuju zajavu pasła Dźmitryja Krutoha.
Nakolki hetyja abiacańni realistyčnyja? Michalevič miarkuje, što zrabić tak, jak pahražaje Kruty, nieskładana:
«Dumaju, što z ahulnaj bazaj vialikich prablem nie budzie — heta Biełaruś z Rasijaj užo abkatali na ŭviadzieńni sumiesnaj bazy z zabaronami vyjezdaŭ. Pa vynikach rasijanie pad zabaronaj nie mohuć vyjazdžać praź Biełaruś, hetak ža i biełarusy pad zabaronaj nie mohuć vyjechać praz Rasiju».
Vynik takoj ahulnaj bazy «ekstremizmu» — toje, što standarty horšaj z krain buduć uzakonienyja i ŭ Biełarusi, i ŭ Rasii, ličyć Michalevič. Naprykład, rasijski režym ličyć «ekstremisckaj» ŁHBT-supolnaść, a taksama nadaŭ taki status karparacyi Meta, jakaja vałodaje Facebook, Instagram i WhatsApp.
Akramia ahulnaj bazy, Dźmitryj Kruty namiakaje i na ahulnyja kryminalnyja spravy. Maŭlaŭ, dla niekatorych hramadzian dziŭna, što na biełaruskich «ekstremistaŭ», jakija źbiehli ŭ Rasiju, nie zavodziać kryminalnyja spravy ŭ RF abo naadvarot.
Aleś Michalevič, adnak, ličyć heta nie nadta mahčymym — chiba što Biełaruś jurydyčna apyniecca ŭ składzie Rasii: «U kryminalnym pravie ŭsio roŭna dziejničaje pryncyp dziaržavy, dzie ździajśniajecca toje ci inšaje złačynstva. Taksama buduć vialikija pytańni ŭ vypadku ź biełaruskamoŭnymi ekstremisckimi resursami — ci adrasavanyja jany da rasijan?
Tamu naŭrad ci heta budzie ŭviedziena, heta vielmi ciažka realizavać. Budzie niemahčyma zrabić heta chutka i efiektyŭna».
«Naša Niva» — bastyjon biełaruščyny
PADTRYMAĆSiłavik, jaki ŭdzielničaŭ u represijach, akazaŭsia ŭ Jeŭropie. Ci mahli jaho tam zatrymać?
Ci mohuć u biełarusaŭ, jakija ŭdzielničali ŭ pratestach, uźniknuć prablemy, jak u «Bi-2»? Tłumačyć advakat
«Spravy viaducca dziasiatkami». Advakat-mižnarodnik raskazaŭ, čamu śpiecsłužby jeŭrapiejskich krain błakujuć hramadzianstva biełarusam
Nijakich Turcyi, Armienii i Kazachstana. U jakija krainy nie varta jechać, kali baiciesia zatrymańnia i ekstradycyi
Ciapier čytajuć
Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»13
Kamientary