Heta adzin z dvuch pazovaŭ, jakija Barys Nadzieždzin nakiravaŭ u Viarchoŭny sud paśla admovy CVK zarehistravać jaho kandydatam u prezidenty. Jon maje namier źviarnucca i ŭ Kanstytucyjny sud. U Centrvybarkamie ličać pretenzii biespadstaŭnymi.
Viarchoŭny sud Rasii adchiliŭ administracyjny pazoŭ Barysa Nadzieždzina. Pra heta paviedamiŭ Nadzieždzin u svaim telehram-kanale, piša RBK.
Nadzieždzin asprečvaje patrabavańnie Centrvybarkama da pracesu zboru podpisaŭ dla vyłučeńnia kandydatam na pasadu prezidenta. CVK patrabuje, kab zborščyki podpisaŭ byli zarehistravanyja ŭ rehijonie prapiski padpisantaŭ, a podpisy, jakija supiarečać hetamu praviłu, pryznajucca niesapraŭdnymi.
«Heta značyć, CVK kaža, što źbirać podpisy ŭ chabaraŭčan, jakija pražyvajuć, naprykład, u Maskvie, moža tolki zborščyk, zarehistravany ŭ Chabaraŭskam krai», — rastłumačyŭ Nadzieždzin.
Jon padkreśliŭ, što zakon nie zabaraniaje rasiejcam žyć u lubym punkcie krainy i stavić svaje podpisy za kandydataŭ tam, dzie jon pažadaje. Palityk dadaŭ, što paśla adchileńnia pazovu Viarchoŭnym sudom maje namier źviarnucca ŭ Kanstytucyjny sud.
Prezidenckija vybary ŭ Rasii projduć 15-17 sakavika. U vybarčych biuleteniach buduć čatyry proźviščy: Uładzimira Pucina, Leanida Słuckaha ad ŁDPB, Mikałaja Charytonava (KPRF) i Uładzisłava Davankova («Novyja ludzi»).
Niečakany siurpryz. Pucin admoviŭsia ŭdzielničać u teledebatach
Kandydat u prezidenty Rasii Davankoŭ raźličvaje na supracoŭnictva ź niezarehistravanym Nadzieždzinym
Centrvybarkam Rasii pakazaŭ, jak budzie vyhladać vybarčy biuleteń. Kidajecca ŭ vočy adna detal
Nadzieždzina nie zarehistravali kandydatam na prezidenckich vybarach u Rasii
«Kab nie zrabiŭsia rasijskaj Cichanoŭskaj». Administracyja prezidenta Rasii rekamiendavała nie dapuskać Nadzieždzina da vybaraŭ
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia8
Kamientary