Kolki płaciać za kamunałku «darmajedy»? Biełaruska šakavała žyroŭkaj za studzień
U Biełarusi «nie zaniatym u ekanomicy hramadzianam» prychodziać žyroŭki z poŭnaj kampiensacyjaj zatrat ŽKH na ciepła– i hazazabieśpiačeńnie. Ale kolki heta? Žančyna pakazała ŭ tyktoku, kolki treba zapłacić za trochpakajoŭku «darmajeda».
Na videa žyroŭka za studzień, suma ŭ jakoj nie moža nie ŭrazić — amal 270 rubloŭ.
— Aciapleńnie — 146 rubloŭ. I heta dobra, što jašče dzicia prapisanaje — padzialili ź im. U dziciaci atrymałasia 27 rubloŭ. A kali b nie było prapisanaje, zapłacili b usie 300 rubloŭ. I kamunałka, mabyć, abyšłasia b rubloŭ u 500. Voś tak voś.
Kali mierkavać pa tych tłumačeńniach, jakija žančyna daje ŭ kamientaryjach, ułaśnik trochpakajovaj kvatery nieaficyjna pracuje ŭ Rasii, tamu ŭ Biełarusi ličycca darmajedam.
Mienš čym za sutki videa pahladzieła bolš za 420 tysiač čałaviek. Niekatoryja z kamientataraŭ raspaviali pra toje, jakija žyroŭki sami atrymali: «U 500 rubloŭ by nie abyšłasia trochpakajovaja kvatera. Prapisanyja z mužam, płaciła 280 rubloŭ, tamu što jon pracavaŭ u Polščy i nie ŭdzielničaŭ u ekanomicy Biełarusi», «Takaja samaja suma, ale ŭ kvatery nichto nie prapisany», «Minsk, 49 kvadratnych mietraŭ, prapisany adzin. Darmajed, 320 rubloŭ».
Niechta navat pažartavaŭ z taho, što kamunałka ŭ Biełarusi amal jak u Jeŭrasajuzie, a zarpłaty — amal jak u Zimbabve.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary