Bajden aficyjna zajaviŭ pra 500 novych sankcyjnych abmiežavańniaŭ suprać Rasii
Prezident ZŠA Džo Bajden abviaściŭ, što jahonaja kraina ŭvodzić 500 novych sankcyjnych abmiežavańniaŭ suprać Rasii za vajnu i śmierć u turmie Alaksieja Navalnaha. Abmiežavańni buduć nakiravanyja na rasijski finansavy siektar, abaronna-pramysłovy kompleks, udzielnikaŭ sietki zakupak, jakija ŭchilajucca ad sankcyj, a taksama na adkaznych za turemnaje źniavoleńnie Navalnaha, paviedamlajecca ŭ pres-relizie Biełaha doma.
Novyja ekspartnyja sankcyi taksama ŭviaduć u dačynieńni da amal 100 arhanizacyj, jakija padtrymlivajuć «rasijskuju vajskovuju mašynu». Bieły dom taksama zajaviŭ, što prymaje miery pa dalejšym skaračeńni enierhietyčnych dachodaŭ Rasii.
U Biełym domie ličać, što sankcyi «harantujuć, što Pucin zapłacić jašče bolš vysokuju canu za svaju ahresiju za miažoj i represii ŭnutry krainy».
U svajoj zajavie Bajden nazvaŭ Alaksieja Navalnaha «mužnym zmaharom suprać karupcyi» i «nieprymirymym lidaram apazicyi Pucinu». «Hetyja sankcyi buduć nakiravanyja suprać asob, źviazanych sa znachodžańniem Navalnaha ŭ turmie, a taksama suprać finansavaha siektara, abaronnaj pramysłovaści, sistemy zabieśpiačeńnia, a taksama asob, […] jakija dapamahajuć paźbiahać sankcyj», — padkreśliŭ amierykanski prezident.
Padrabiazny śpis abmiežavalnych mier pakul nie apublikavany.
Akramia taho, Bajden vystupiŭ z zaklikam da amierykanskich parłamientaryjaŭ akazać padtrymku Ukrainie.
«Historyja hladzić na nas, — skazaŭ jon. — Niazdolnaść padtrymać Ukrainu ŭ hety krytyčny momant nie budzie zabytaja. Pryjšoŭ čas stać u adzin šerah z Ukrainaj, našymi sajuźnikami i partniorami».
Čytajcie taksama:
Rada ES zaćvierdziła 13-ty pakiet sankcyj suprać pucinskaha režymu
Vialikabrytanija ŭviała sankcyi suprać dvuch biełaruskich pradpryjemstvaŭ
Jak biełarusy dapamahali asnaščać rasijskuju vajskovuju mašynu zachodnim abstalavańniem
Ciapier čytajuć
Łukašenka zajaviŭ pra hatoŭnaść pryjechać u Kijeŭ70
Kamientary