Kandydat-spojler pra ŭdzieł u vybarach: «Ja — kamunist ź vialikim stažam. Partyja skazała «treba» — značyć, treba»

Hierainia razmovy — dyrektarka siaredniaj škoły №1 Lachavičaŭ Natalla Kułak, jakaja bałatujecca pa Baranavickaj sielskaj vybarčaj akruzie № 7 ad Kamunistyčnaj partyi Biełarusi.

Razam z Kułak u śpisie kandydataŭ znachodziacca dva členy partyi «Biełaja Ruś» — hałoŭny doktar Lachavickaj centralnaj rajonnaj balnicy Hieorhij Chlabovič i dyrektar Baranavickaha pradpryjemstva mielijaratyŭnych sistem Viktar Łukaščyk. Kandydatura pieršaha była ŭklučana ŭ śpis kandydataŭ šlacham zboru podpisaŭ. Druhi idzie na vybary ad palityčnaj partyi.

Pavialičyć

Pa našych prahnozach, deputatam pavinien stać Hieorhij Chlabovič. Taki ž prahnoz i ŭ «Sumlennych ludziej» — jany atrymali jaho pa ŭłasnaj madeli na bazie niejrasietki (ŠI praanalizavaŭ danyja papiarednich kampanij).

U pačatku razmovy ŭ Natalli Kułak pacikavilisia, čamu jana vystaviła svaju kandydaturu na vybary nie šlacham zboru podpisaŭ, a ad partyi.

— Ja kamunist ź vialikim stažam. Partyja skazała «treba» — značyć, treba. Dla mianie heta vialiki honar. Kali ščyra, da vyłučeńnia ja nie zadumvałasia, [kab stać deputatam].

— Nakolki vy vierycie, što zmožacie pieramahčy Chlaboviča?

— Treba hladzieć realna na rečy. Ja da Chlaboviča vielmi dobra staŭlusia. Liču jaho hodnym kandydatam, što b tam ni havaryli. My ź im u charošych adnosinach. I vielmi niepryjemna stała daviedacca, što my ź im budziem kankurentami.

— U Chlaboviču zacikaŭleny źvierchu.

— Heta prosta čutki. Ab ich surjozna havaryć nie zusim pravilna.

— Vy dumajecie pieramahčy?

— Kab nie dumała, to nie išła b. Zrazumieła, nadzieja jość. Jak ludzi prahałasujuć.

— Ale kab prahałasavali, treba, kab była niejkaja rekłamnaja padtrymka. Ale tut nie vyhladaje tak, što ŭ vas roŭnyja ŭmovy.

— Nu tak. Trochi ja prychvareła. Tamu nie tak jarka vystupała, jak jon (Chlabovič — «NN»).

— Čamu vy člen Kamunistyčnaj partyi?

— Kamunisty zaŭsiody vyražali intaresy pracoŭnaha naroda. Chto nas abaronić, kali nie my sami? Vielmi kryŭdna, što našy ludzi zabylisia, što toje, što my ciapier majem, my majem paśla budovy kamunizmu. Na žal, my jaho nie pabudavali, ale žyli pry sacyjaliźmie. Moładź chacieła pieramien i hladzieła na Zachad, ale nie zadumvałasia, što tam usio płatnaje. Tam niama lhotaŭ, nie dajuć biaspłatnych kvater.

— Ale jak ja razumieju, pry sacyjaliźmie zabarona relihii. Vy relihijny čałaviek?

— Ja relihijny čałaviek. Ale pačytajcie historyju. Lenin, kali zabaraniaŭ chadzić u cerkvy, chacieŭ vypramić śpinu narodu. Relihija — heta taksama kantrol.

— Ci praŭda, što Kamunistyčnaja partyja vystupaje za zabaronu pryvatnaj ułasnaści i zabaronu relihii?

— Nie, nie tak. My ŭsie relihijnyja. U nas va ŭsich boh u dušy.

— Čamu lepš za vas hałasavać, a nie za Chlaboviča?

— U svajoj prahramie ja bolš abapirajusia na sielskuju haspadarku. Mnie chočacca źmianić što-niebudź na siale. U mianie ŭ prahramie jość raźvićcio siaredniaha i małoha biznesu. Chočacca, kab sialanie žyli lepiej, kab vioski nie pustavali, kab moładź nie zjazdžała ŭ horad.

— A čamu ciapier tak adbyvajecca? Tamu što raboty tam niama.

— A čamu raboty niama? Tamu što zjazdžajuć usie, pracavać niama kamu.

— Kali viarnucca da vašaha asnoŭnaha kankurenta. Čamu vy, a nie Chlabovič?

— Ja dumaju, piaćdziasiat na piaćdziasiat šancaŭ.

Čytajcie jašče:

CVK śćviardžaje, što daterminova prahałasavaŭ užo kožny čaćviorty

Dokšyckaha čynoŭnika ciahnuli ŭ deputaty, a kali vyjaviłasia, što syn u bazie «Biesparadki» — vyhnali z raboty 

Hulnia ŭ imitacyju. BiełTA apublikavała fota z vybarčaha ŭčastku, zabluryŭšy tvary kandydataŭ

110 deputataŭ, jakija trapiać u parłamient-2024, — praviercie śpis paśla vybaraŭ

• 2
• 0
• 18
• 9
• 1
• 3
• 1
• 0