U Mazyry pačynajecca sud nad žančynaj, jakaja dahladała staruju maci
U sudzie Mazyrskaha rajona 5 sakavika pačynajecca razhlad kryminalnaj spravy palitźniavolenaj Iryny Sapryhinaj. Joj inkryminujuć abrazu pradstaŭnika ŭłady (art. 369 KK) i abrazu Łukašenki (č. 1 art. 368 KK). Spravu budzie razhladać sudździa Anatol Strelčanka, piša «Viasna».
Žančyna była zatrymanaja za kamientar u čacie ŭkrainskaha błohiera 30 kastryčnika 2023 hoda. Da jaje pryjechali ludzi ŭ maskach, praviali pieratrus, a zatym zatrymali pa kryminalnaj spravie. Padčas śledstva ŭ spravie źjaviŭsia novy artykuł — 369 KK (abraza pradstaŭnika ŭłady).
Viadoma, što Iryna Sapryhina ŭ apošni hod znachodziłasia doma, bo dahladała svaju 83-hadovuju maci — likvidatarku ČAES, što maje invalidnaść druhoj hrupy.
Tym nie mienš Irynie nie źmianili mieru strymańnia sa źmiaščeńnia pad vartu pad paručalnictva. Viadoma taksama, što da maci Sapryhinaj prychodziŭ milicyjant i pytaŭsia pra jaje staŭleńnie da Ukrainy i Izraila.
Padtrymajcie palitźniavolenuju: SIZA-3, 246003, Homiel, Knižnaja, 1A. Iryna Ivanaŭna Sapryhina
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary