Jaho baćku Andreja Kaŭtuchu ŭ 2017-m zdymali z pasady paśla zaviadzieńnia kryminalnaj spravy za słužbovy padłoh.
Imia Viktara Kaŭchuty, syna byłoha ministra pryrodnych resursaŭ i achovy navakolnaha asiarodździa Andreja Kaŭchuty, źjaviłasia ŭ raskładzie sudoŭ.
Viktaru ciapier 40 hadoŭ i, miarkujučy pa adkrytych krynicach, jon zajmaŭ pasadu pieršaha namieśnika hienieralnaha dyrektara ahrakambinata «Ždanovičy».
Jon prasłaviŭsia tym, što sprabavaŭ u 2016-m hodzie bałatavacca ŭ deputaty i navat źbiraŭsia skłaści kankurencyju «atamanu» Mikałaju Ułachoviču. Ale Kaŭchutu-małodšaha navat nie zarehistravali.
Nieŭzabavie patrapiŭ u apału i jahony baćka — jaho źniali z pasady ministra i zaviali kryminalnuju spravu za słužbovy padłoh. Paśla 2017-ha Andrej Kaŭchuta źnik z publičnaha pola.
Padzielnik Viktara pa raskładzie sudoŭ — Andrej Iskanderaŭ. My nie adšukali biełarusaŭ z takim proźviščam. Ale jość biznesmen z Rasii, jaki zajmaŭsia optavym handlem sadavinaj i harodninaj. Jamu 57 hadoŭ i ŭ biznesie jon z 1990-ch. Imavierna, što pra jaho i idzie havorka — «Ždanovičy» akurat zajmajucca vyroščvańniem sadaviny i harodniny.
Sudziać Kaŭchutu i Iskanderava za atrymańnie i daču chabaru. Kamu što inkryminujecca, u raskładzie suda nie paznačana.
Abodvum fihurantam pahražaje ad piaci hadoŭ turmy. Sud nad imi pačynajecca 11 sakavika.
«Naša Niva» — bastyjon biełaruščyny
PADTRYMAĆ
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary