Były ministr pryrodnych resursaŭ i achovy navakolnaha asiarodździa Andrej Kaŭchuta niadaŭna staŭ namieśnikam hienieralnaha dyrektara kampanii «Biełzamiežhandl». Dadzienuju infarmacyju jon paćvierdziŭ žurnalistam tut.by.
Pradpryjemstva «Biełzamiežhandl» było stvorana pry Kiraŭnictvie spraŭ prezidenta ŭ 2014 hodzie. Kampanija zajmajecca aptova-roźničnym handlem naftapraduktami i naftachimičnaj pradukcyjaj, vynikaje ź infarmacyi na sajcie kampanii.
«Biełzamiežhandl» zarehistravany pa adnym adrasie z kampanijaj «Biełhieapošuk». Heta jašče adno pradpryjemstva, stvoranaje pry KSP, jakoje funkcyjanuje ŭ formie dziaržaŭna-pryvatnaha partniorstva, paviedamiŭ BiełTA kiraŭnik Minpryrody Andrej Chudyk. Niadaŭna hetaja kampanija pačała probnuju zdabyču burštynu ŭ Bresckaj vobłaści. Vyvučeńniem pakładaŭ burštynu šmat hadoŭ zajmalisia prafiesary-hieołahi Albiert i Maksim Bahdasaravy.
Chudyk, jaki raniej pracavaŭ namieśnikam kiraŭnika spraŭ prezidenta, uznačaliŭ Minpryrody ŭ vieraśni.
Na hetaj pasadzie jon źmianiŭ Andreja Kaŭchutu. 8 červienia stała viadoma, što jon adchileny ad pracy, u dačynieńni da jaho pravodzicca pravierka — jaho padazravali ŭ słužbovych padrobkach.
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»25
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary