Hramadstva11

Kampanii padmanvajuć piensijanieraŭ na ŽKH-pasłuhach, ale čynoŭniki nie mohuć dać rady — taki zakon

Reč u chitrych łaziejkach u zakonach.

Upraŭleńnie apieratyŭnych mierapryjemstvaŭ inśpiekcyi Ministerstva pa padatkach i zborach raskazała pra toje, jak nienazvanaje IP padmanuła piensijanieraŭ u Minsku.

Sprava była takaja — niejkija ludzi pryjšli ŭ kvateru da pary piensijanieraŭ, pradstaviŭšysia supracoŭnikami kampanii, jakaja supracoŭničaje z ŽKH. Jany skazali, što, maŭlaŭ, im treba terminova zamianić rele ŭ elektraličylniku praz toje, što jany žyvuć u starym domie. I heta biaspłatna.

U vyniku jany pierakanali ich padpisać damovu. Tut i vyjaviłasia, što zapłacić treba za proćmu inšych dadatkovych pasłuhaŭ. Sumu spačatku nazvali ŭ 620 rubloŭ, ale paśla praz toje, što paciarpieły piensijanier — invalid II hrupy, sumu źnizili da 298 rubloŭ.

Piensijaniera ŭhavaryli zapłacić, adrazu ž vybiŭšy ček na niepatrebnuju pasłuhu. U pary zastałosia 120 rubloŭ na žyćcio.

Vyjaviłasia, što takich piensijanieraŭ vielmi šmat. Ale dapamahčy padatkovaja im ničym nie moža, bo firma robić usio całkam lehalna, nie zavyšaje rynkavy košt pasłuh i sapraŭdy maje licenziju na toje, kab akazvać takija pasłuhi, a taksama płacić padatki. Z usimi dakumientami ŭ ich paradak. Takim čynam, u padatkovaj pryznajuć, što heta faktyčna padman, ale jurydyčna pretenzijaŭ da firmy jany nie majuć.

Ministerstva pa padatkach i zborach dało čatyry parady, jak abaranicca ad takich machlaroŭ:

  1. Nie viadziciesia na abjavy ŭ psieŭdaaficyjoznym styli pra biaspłatnyja pasłuhi, jakija rasklejvajuć la padjezdaŭ. Zvyčajna heta «biaspłatnaja pravierka voknaŭ», «jakaści vady» i inšyja rečy takoha kštałtu.
  2. Nie puskajcie aby-kaho ŭ chatu, kali vizit nie byŭ zapłanavany zahadzia. Dziaržaŭnyja arhanizacyi zvyčajna nie chodziać pa kvaterach, kab adšukać sabie klijentaŭ.
  3. Kali takija ludzi da vas zajšli, to daskanała raspytvajcie pra toje, jakuju arhanizacyju jany pradstaŭlajuć i pierapytvać u samoj arhanizacyi, ci majuć jany da jaje dačynieńnie. Da hetaha nie dazvalać vykonvać anijakija pracy ŭ domie.
  4. Nie padpisvajcie z takimi ludźmi anijakich damovaŭ i nie pieravodźcie im hrošy, pakul vy nie ŭpeŭnilisia ŭ tym, što vam sapraŭdy patrebnaja pasłuha, jakuju vam prapanujuć. Paśla padpisańnia damovy i ŭniasieńnia apłaty davieści vašu pravatu budzie składana.

Padsumoŭvajučy, ministerstva raić być pilnymi i nie vieryć tym, chto prychodzić da vas dadomu, kab niešta pradać. Bo zvyčajna heta sproby padmanuć davierlivych žycharoŭ.

«Naša Niva» — bastyjon biełaruščyny

PADTRYMAĆ

Kamientary1

  • Dłaš
    07.03.2024
    Surjozra? Nie mohuć? Uvod u zman - heta machlarstva , a ŭ Biełarusi siadziać i za mieńšaje. A jašče jość norma, jakaje zabaraniaje naviazvańnie pasłuh. Heta nie kryminalnaja adkaznaść, ale padstava zakryć i štrafanuć działkoŭ.

Ciapier čytajuć

Danosčycu Volhu Bondaravu adličyli ź Pieduniviersiteta paśla 13 sutak na Akreścina6

Danosčycu Volhu Bondaravu adličyli ź Pieduniviersiteta paśla 13 sutak na Akreścina

Usie naviny →
Usie naviny

«Prapanujcie svajo zadańnie». Aŭtarka dziŭnaha čelendža ŭ pamiać pra błakadny Leninhrad patłumačyła svaju pazicyju28

«My addali ŭsio, što ŭ nas było, zahnali siemji ŭ daŭhi». Viadomy minski kłub kančatkova zakryŭsia6

Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku5

U 44 hady pamierła siastra biełaruskaha zahinułaha dobraachvotnika Vasila Parfiankova

Rasśledavańnie źniknieńnia Anžaliki Mielnikavaj pieraviali na bolš vysoki ŭzrovień8

U Viarchoŭnym sudzie nie zmahli patłumačyć, kali znoŭ stanuć dastupnyja raskłady sudovych pasiadžeńniaŭ1

Praŭładnaha homielskaha aktyvista paśla zatrymańnia za «ekstremizm» nie ŭziali na kancert u Minsk. Jon pakryŭdziŭsia4

Ukraincy ŭdaryli «Chajmarsam» pa rasijskim punkcie kiravańnia ŭ Sudžanskim rajonie3

Maci zasiekła siakieraj traich svaich dziaciej u Krasnajarskim krai4

bolš čytanych navin
bolš łajkanych navin

Danosčycu Volhu Bondaravu adličyli ź Pieduniviersiteta paśla 13 sutak na Akreścina6

Danosčycu Volhu Bondaravu adličyli ź Pieduniviersiteta paśla 13 sutak na Akreścina

Hałoŭnaje
Usie naviny →

Zaŭvaha:

 

 

 

 

Zakryć Paviedamić