Prezident Litvy prakamientavaŭ napad na Leanida Vołkava — i zajaviŭ, što Pucina tut «nichto nie baicca»
Hitanas Naŭsieda dapuściŭ, što na Vołkava napali ŭ Vilni pad upłyvam Kramla, piša «Mieduza».
«Niama sumnievaŭ, što takija rečy płanujucca zahadzia… Zrazumieła, što takija rečy płanujucca, i my nie pavinnyja dzivicca. Ale ja žadaju vyrazna zajavić, što słužby daduć acenku, praviaduć rasśledavańnie i, ja spadziajusia, znojduć vinavatych. Pucinu ja mahu skazać tolki adno — tut vas nichto nie baicca», — skazaŭ Naŭsieda padčas svajho vizitu ŭ Francyju.
Napad na Vołkava rasśleduje antyterarystyčnaje padraździaleńnie palicyi Litvy Aras. Namieśnik hienieralnaha kamisara palicyi Saŭlus Tamulavičus paviedamiŭ, što śledstva razhladaje niekalki viersij zdareńnia.
Pa danych palicyi Litvy, na Leanida Vołkava napali ŭviečary 12 sakavika na paŭnočna-ŭschodniaj uskrainie Vilni. Napadnik nie mienš za 15 raz udaryŭ Vołkava małatkom, u apazicyjaniera złamanaja ruka i traŭmavanaja naha, jon nie moža chadzić.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary