Łukašenka prydumaŭ novy ambicyjny prajekt uzbahačeńnia. Hladzicie, što tut śmiešnaha
Alaksandr Łukašenka zapatrabavaŭ asvoić novyja pryrodnyja resursy i zapuścić vytvorčaść bazaltavaha vałakna. Urad paabiacaŭ vykanać daručeńnie da 2026 hoda. Ale jość tolki adna prablema. Košt hetaha biełaruskaha prajekta pa vytvorčaści bazaltavaha vałakna ŭ razy bolšy, čym uvieś suśvietny rynak bazaltavaha vałakna, zaŭvažaje vydańnie «Płan B».
Prykmietny dyjałoh z narady pa pryrodnych resursach apublikavaŭ kanał STB. Čynoŭniki niaśmieła namiakajuć na ekanamičnuju biessensoŭnaść novaha prajekta, na jakim nastojvaje Łukašenka.
Andrej Chudyk, ministr pryrodnych resursaŭ i achovy navakolnaha asiarodździa Biełarusi raspaviadaje, što jość prajekt zdabyčy bazaltu:
— 250 tysiač ton — ja dumaju, ź jaho my pačniem — zdabyčy bazaltu, pa jakaści anałahičny ŭkrainskim, jakija zakuplalisia da hetaha času…
Alaksandr Łukašenka:
— Kali ŭbačym vaš bazalt?
Andrej Chudyk:
— Ja miarkuju, u nastupnym hodzie.
Alaksandr Łukašenka:
— Moža, niechta adkaža na hetaje pytańnie? Ministr siadzić. Kali vy hety bazalt vykarystoŭvać budziecie? Jon ža zaŭtra pryviazie vam jaho!
Rusłan Parchamovič, ministr architektury i budaŭnictva Biełarusi:
— Alaksandr Ryhoravič, bazalt, pa-pieršaje, treba dastać — jon lažyć na hłybini 60 mietraŭ. Nieabchodna jašče, skažam tak…
Alaksandr Łukašenka:
— Kapać treba, piłavać, jašče čahości…
Rusłan Parchamovič:
— Ja nie mahu paćvierdzić takuju aptymistyčnuju acenku. Musić, tolki da 2026 hoda, nie raniej.
Raman Hałoŭčanka, premjer-ministr Biełarusi:
— Inviestycyjnyja vydatki pa hetym prajekcie aceńvajucca da miljarda dołaraŭ…
Alaksandr Łukašenka:
— Što, dla taho, kab 60 mietraŭ raskapać, treba miljard dołaraŭ?
Raman Hałoŭčanka:
— Heta nie tolki raskapać, to-bok pabudavać usiu infrastrukturu…
Alaksandr Łukašenka:
— Nu, padarvać treba…
Raman Hałoŭčanka:
— … i ŭzbahačeńnie bazaltu.
Alaksandr Łukašenka:
— Treba — tak kapajcie. Što vy ŭsio pakutujecie — miljard dołaraŭ! Moža, usio ž 800 miljonaŭ?
Raman Hałoŭčanka:
— Moža być…
Bazaltavaje vałakno — izalacyjny materyjał, jaki vykarystoŭvajuć u budaŭnictvie. Pa svaich paramietrach bazaltavaje vałakno značna lepšaje za zvyčajnaje škłovałakno. Bolš ekałahičnaje, nadziejnaje i daŭhaviečnaje. I tolki pa adnym paramietry horšaje. Bazaltavaje vałakno značna daražejšaje. I tamu vykarystoŭvajuć jaho tolki tyja, chto moža sabie heta dazvolić, piša «Płan B».
U 2022 hodzie, davodzić vydańnie, uvieś suśvietny rynak bazaltavaha vałakna składaŭ 285 miljonaŭ dołaraŭ.
Pa aptymistyčnych acenkach, da 2027 hoda, kali novy biełaruski prajekt jakraz zapracuje, suśvietny popyt moža vyraści da 517 miljonaŭ dołaraŭ. Pa mienš aptymistyčnych budzie krychu mienš za 500 miljonaŭ da 2030 hoda.
Takim čynam, piša vydańnie, ideja novaha miehaprajekta składajecca ŭ tym, kab vydatkavać na jaho miljard dołaraŭ dziela doli na rynku, uvieś abjom jakoha budzie ŭ dva razy mienšy.
Čytajcie taksama:
U Minsku źjaviacca novyja tramvai
Łukašenka pryznačyŭ novych kiraŭnikoŭ na «Atłant» i «BIEŁAZ»
«Dziakuj za tyja «BiełAZy». U Kryvym Rohu raskazali, jak BiełAZy dapamahli adbić rasijski nastup
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary
Kopajem širie, kopajem hłubžie i tak 30 let.