Mytny kamitet vypuściŭ kamientar pra abmiežavańni, uviedzienyja Polščaj dla aŭto. Biełaruskija mytniki daviedalisia pra ich ad ŚMI
Mytny kamitet Biełarusi 25 sakavika vypuściŭ pres-reliz, u jakim źviarnuŭ uvahu vadzicielaŭ na abmiežavańni, uviedzienyja Polščaj pry pierasiačeńni hranicy.
«Źviartajem uvahu kiroŭcaŭ aŭto, jakija pierasiakajuć polskuju-biełaruskuju miažu! Polski bok uvioŭ abmiežavańni na propusk u Biełaruś mašyn. Polskija mytniki razvaročvajuć aŭto, jakija padpadajuć pad peŭnyja kryteryi, uładalniki jakich nie mohuć dakazać, što transpartnyja srodki iduć tranzitam i nie buduć pradadzienyja ŭ Biełarusi i Rasiei.
Źviestki pra takija novaŭviadzieńni atrymany ź nieaficyjnych krynic, a taksama internet-resursaŭ, jakija masava papiaredžvajuć pra heta», — piša DMK i dadaje spasyłku na internet-vydańnie pra aŭto.
DMK raspaviadaje, što abmiežavańni datyčacca aŭtamabilaŭ ad jeŭrapiejskich vytvorcaŭ z abjomam ruchavika bolš za 1,9 litra, pryznačanyja dla ekspartu ŭ Biełaruś i Rasiju.
«Pavodle papiaredniaj infarmacyi ź internet-resursaŭ, poŭnaja błakiroŭka ŭsich mašyn z matoram 1,9 ł i vyšej praciahniecca da 1 krasavika», — piša DMK sa spasyłkaj na Onliner.
Nijakaj aficyjnaj infarmacyi ad polskaha boku DMK nie pryvodzić.
@nashaniva Polskija mytniki znajšli aryhinalny sposab adłovu pierahonščykaŭ, jakija voziać mašyny ŭ Rasiju pad vyhladam tranzitu ŭ Siaredniuju Aziju #biełaruś #našaniva #navinybiełarusi #biełaruśnovosti #novostibiełarusi #avto #biełorusy #biełaruskajamova #pieriekup #mova ♬ Paris - 3Hzwave Čytajcie taksama:
«Na miažy kałaps». Polšča ŭviała abmiežavańni pa ŭvozie aŭtamabilaŭ praź biełaruski pahranpierachod
Polšča pierastała prapuskać u Biełaruś lehkavyja aŭtamabili na tranzitnych numarach
Polšča nie vypuskaje ŭ Biełaruś tranzitnyja aŭtamabili z abjomam ruchavika, bolšym za 1,9 litra
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary