Мытны камітэт выпусціў каментар пра абмежаванні, уведзеныя Польшчай для аўто. Беларускія мытнікі даведаліся пра іх ад СМІ
Мытны камітэт Беларусі 25 сакавіка выпусціў прэс-рэліз, у якім звярнуў увагу вадзіцеляў на абмежаванні, уведзеныя Польшчай пры перасячэнні граніцы.
«Звяртаем увагу кіроўцаў аўто, якія перасякаюць польскую-беларускую мяжу! Польскі бок увёў абмежаванні на пропуск у Беларусь машын. Польскія мытнікі разварочваюць аўто, якія падпадаюць пад пэўныя крытэрыі, уладальнікі якіх не могуць даказаць, што транспартныя сродкі ідуць транзітам і не будуць прададзеныя ў Беларусі і Расеі.
Звесткі пра такія новаўвядзенні атрыманы з неафіцыйных крыніц, а таксама інтэрнэт-рэсурсаў, якія масава папярэджваюць пра гэта», — піша ДМК і дадае спасылку на інтэрнэт-выданне пра аўто.
ДМК распавядае, што абмежаванні датычацца аўтамабіляў ад еўрапейскіх вытворцаў з абʼёмам рухавіка больш за 1,9 літра, прызначаныя для экспарту ў Беларусь і Расію.
«Паводле папярэдняй інфармацыі з інтэрнэт-рэсурсаў, поўная блакіроўка ўсіх машын з маторам 1,9 л і вышэй працягнецца да 1 красавіка», — піша ДМК са спасылкай на Onliner.
Ніякай афіцыйнай інфармацыі ад польскага боку ДМК не прыводзіць.
@nashaniva Польскія мытнікі знайшлі арыгінальны спосаб адлову перагоншчыкаў, якія возяць машыны ў Расію пад выглядам транзіту ў Сярэднюю Азію #беларусь #нашаніва #навіныбеларусі #беларусьновости #новостибеларуси #авто #белорусы #беларускаямова #перекуп #мова ♬ Paris - 3Hzwave Чытайце таксама:
«На мяжы калапс». Польшча ўвяла абмежаванні па ўвозе аўтамабіляў праз беларускі пагранпераход
Польшча перастала прапускаць у Беларусь легкавыя аўтамабілі на транзітных нумарах
Польшча не выпускае ў Беларусь транзітныя аўтамабілі з аб’ёмам рухавіка, большым за 1,9 літра
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны36
Каментары