«Viadoma, my nie vyklučajem». Va USU adreahavali na słovy Łukašenki pra padrychtoŭku da vajny
Alaksandr Łukašenka 2 krasavika zajaviŭ, što Biełaruś «usio ž rychtujecca da vajny, choć i nie choča vajavać». Pres-sakratar Pavietranych siłaŭ USU Illa Jeŭłaš prakamientavaŭ heta vykazvańnie, adznačyŭšy ŭ efiry nacyjanalnaha telemarafona, što adnaŭleńnia rakietnych udaraŭ z terytoryi Biełarusi vyklučać nielha.
«My ŭžo bačyli, jak biełaruski dyktatar davaŭ terytoryju dla nastupleńnia rasijskich vojskaŭ u pačatku paŭnamaštabnaha ŭvarvańnia. Viadoma, my nie vyklučajem u tym liku i avijacyjnaha prymianieńnia ź ich terytoryi, pakolki avijacyja za davoli karotki čas moža pieramiaščacca na vialikija adlehłaści, nieści roznaha rodu nahruzki», — skazaŭ Illa Jeŭłaš.
Jon adznačyŭ, što isnuje pahroza adnaŭleńnia rakietnych udaraŭ z boku Biełarusi, ale padkreśliŭ, što ŭkrainskija Pavietranyja siły hatovyja da luboha raźvićcia padziej.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii15
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary