Pra toje, što da biełaruskich miedykaŭ nakont ukusaŭ klaščoŭ za dva miesiacy źviartalisia bolš za 200 razoŭ, paviedamiła entamołah Respublikanskaha centra hihijeny, epidemijałohii i hramadskaha zdaroŭja Śviatłana Jaškova, paviedamlaje BiełTA.
«U 2024 hodzie pieršyja klaščy ŭ pryrodnych bijatopach źjavilisia dastatkova rana (u pačatku lutaha) u paŭdniovych rajonach Bresckaj vobłaści. Za dva miesiacy (luty — sakavik) aktyŭnaści klaščoŭ zarehistravana bolš za 200 zvarotaŭ hramadzian u arhanizacyi achovy zdaroŭja nakont prysmoktvańnia klaščoŭ», — skazała Śviatłana Jaškova.
Pa słovach entamołaha, u asnoŭnym ukusy klaščoŭ adbyvajucca ŭ lasnych masivach (44% usich vypadkaŭ). Na dačnyja ŭčastki prypadaje 35 pracentaŭ usich vypadkaŭ prysmoktvańnia klaščoŭ.
U 2023 hodzie było zarehistravana bolš za 31 tys. zvarotaŭ u miedycynskija ŭstanovy z nahody prysmoktvańnia klaščoŭ, što na 11% bolš u paraŭnańni z 2022 hodam.
Ciapier čytajuć
Andrej Švied, architektar represij, pryznačany staršynioj Viarchoŭnaha suda4
Kamientary