Pieršy ŭkus zafiksavali kala 10-j balnicy.
Klaščy mohuć napaści ŭ luby čas hoda, kali tempieratura pavietra vyšej +5°C, raskazała 5 sakavika doktar-epidemijołah Minskaha haradskoha centra hihijeny i epidemijałohii Volha Siemižon, pišuć Minsk-naviny.
— Sioleta ŭ stalicy pieršy ŭkus klašča zarehistravany 26 lutaha ŭ lesapałasie kala 10-j balnicy, — adznačyła V.Siemižon. — Pry tempieratury pavietra + 5… +7°C pačynajecca siezon klaščoŭ. Maj-červień i žnivień-vierasień — heta pieryjady ich pavyšanaj aktyŭnaści.
Jak zaŭvažyła V.Siemižon, klaščy čakajuć achviaru ŭ travie abo kustach na vyšyniu prykładna 50—100 sm. Hetyja kazurki niebiaśpiečnyja tym, što mohuć pieranosić uzbudžalnikaŭ roznych infiekcyj, naprykład, kleščavoha encefalitu, chvaroby Łajma i inšych. I kali ad pieršaha zachvorvańnia možna zrabić pryščepku, to ad druhoha vakcyny nie isnuje. Tamu dla abarony ad klaščoŭ pažadana karystacca repielentami: sprejami, maziami i inšymi. Nie varta zabyvać ab mierach zaściarohi: u lesaparkach špacyravać pa šyrokich piešachodnych darožkach, nie zachodzić u zaraśniki kustoŭ. Źbirajučysia na pryrodu, ekipujciesia adpaviednym čynam: nadzieńcie hałaŭny ŭbor, žakiet z doŭhim rukavom, zapraŭcie štany ŭ abutak. Padčas prahułki pa lesie kožnyja dźvie hadziny pravodzicie sama– i ŭzajemaahlady, toje ž samaje zrabicie pa viartańni.
Kali klešč usio ž ukusiŭ, možna pasprabavać vydalić jaho samastojna. Ale lepš źviarnucca pa dapamohu ŭ palikliniku, pažadana da doktara-infiekcyjanista. Kali doktar u adpačynku ci na balničnym, prakansultujciesia va ŭčastkovaha terapieŭta.
Varta adznačyć, što pry ŭkusie klašča nieabchodny prafiłaktyčny pryjom preparata.
Zvyčajna doktar pryznačaje antybijotyk, jaki treba pryniać u pieršyja 72 hadziny paśla ŭkusu. Jak praviła, dla darosłaha heta adnarazovaja doza. Paśla pryjomu antybijotyka nazirajcie za svaim stanam zdaroŭja nie mienš za miesiac.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna14
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary