Vice-mera Vietki sudzili za karupcyju. Ale adpravili na lačeńnie ad varjackich idej šlubnaj niaviernaści
U banku sudovych rašeńniaŭ apublikavali vyznačeńnie suda Čyhunačnaha rajona Homiela pa kryminalnaj spravie ŭ dačynieńni da byłoha namieśnika staršyni Vietkaŭskaha rajvykankama, zaŭvažyŭ «Fłahštok». Jano ŭtrymlivaje niečakanyja fakty adnosna matyvacyi prysudu.
Były čynoŭnik, proźvišča jakoha nie nazyvajecca «Fłahštokam» pa etyčnych mierkavańniach, byŭ adnym ź fihurantaŭ kryminalnaj spravy ab zakupcy pradpryjemstvami Homielskaj vobłaści nieprydatnaj dla ŭžyvańnia karmavoj dabaŭki «Zieoł 3». Ad hetaj dabaŭki žyvioła nibyta dochła.
Pavodle vyznačeńnia suda, čynoŭnik zahadvaŭ kiraŭnictvu AAT «Chalč» zakuplać karmavuju sumieś, jakaja nie mieła dziaržaŭnaj rehistracyi na terytoryi krain JEAES. Za łabiravańnie hetych zakupak jon atrymlivaŭ chabar ad jaje pastaŭščykoŭ, a taksama raźličvaŭ atrymać kiraŭničuju pasadu ŭ AAT «Miłkavita», kiraŭnictva jakoj taksama ŭdzielničała ŭ niezakonnych zakupkach karmavoj dabaŭki «Zieoł 3».
Zdavałasia b, ad turmy eks-čynoŭnika ničoha vyratavać nie mahło, ale akazałasia, što sudovaja psichołaha-psichijatryčnaja ekśpiertyza vyjaviła ŭ jaho psichičnaje rasstrojstva — «afiektyŭna zaradžanyja varjackija idei šlubnaj niaviernaści», jakija raźvilisia ŭ pieryjad paśla ździajśnieńnia złačynstvaŭ.
U vyniku sud pryznačyŭ abvinavačanamu prymusovaje lačeńnie ŭ psichijatryčnym stacyjanary z uzmocnienym režymam.
Kamientary